The news is by your side.

Advertisement

جدہ میں فارمولا ون ریس کا انعقاد کب ہوگا؟

جدہ : دنیا کے بہترین فارمولا ون رائیڈرز 25 مارچ سے ساحلی شہر جدہ میں اپنے فن کے جوہر دکھائیں گے۔

عرب میڈیا کی رپورٹ کے مطابق سعودی عرب کے ساحلی شہر جدہ میں 25 مارچ سے 27 مارچ تک فارمولا ون گاڑیوں کے مقابلوں کا انعقاد ہوگا، جس کی تیاریاں جاری ہیں۔

جدہ میں فارمولا ون ریس کےلیے ٹریک پہلے سے موجود ہے جہاں ماضی میں بھی مقابلوں کا انعقاد ہوچکا ہے، مگر کورنیش پر تیار کیے گئے ٹریک میں کچھ تبدیلیاں کی گئی ہیں۔

انتظامیہ کا کہنا ہے کہ اس مرتبہ ریس کا آغاز مقامی وقت کے مطابق 8 بجے رات کو کیا گیا ہے تاکہ ٹی وی اسکرینوں پر دنیا بھر سے شائقین کو مقابلہ دیکھنے کا موقع مل سکے۔

انتظامیہ نے کہا ہے کہ ریس دیکھنے کے لیے آنے والوں کی دلچسپی کے لیے ہر عمر کے افراد کے لیے مختلف سرگرمیاں رکھی گئی ہیں، جب کہ مقامی اور عالمی برانڈ کے حامل مختلف ریسٹورنٹس بھی موجود ہوں گے۔

Comments

یہ بھی پڑھیں