The news is by your side.

Advertisement

ورلڈکپ کیلیے قومی اسکواڈ کب روانہ ہوگا؟ تاریخ سامنے آگئی

آئی سی سی ٹی ٹوئنٹی ورلڈکپ کے لیے پاکستانی اسکواڈ 14 اکتوبر کو متحدہ عرب امارات روانہ ہو گا۔

ذرائع کے مطابق کورونا پروٹوکولز کے بعد پاکستان کا پہلا ٹریننگ سیشن 16 اکتوبر کو ہو گا اور آئی سی سی ٹی ‏ٹوئنٹی ورلڈکپ 17 اکتوبر سے شروع ہو گا۔

پاکستان کا پہلا میچ 24 اکتوبر کو بھارت کے ساتھ شیڈول ہے۔ 2 وارم میچز 18 اور 20 اکتوبر کو ویسٹ انڈیز اور ‏جنوبی افریقا کیخلاف شیڈول ہیں۔

آئی سی سی کے مطابق پاکستان اپنا دوسرامیچ 26اکتوبر کو نیوزی لینڈ کے خلاف کھیلے گا۔ قومی کھلاڑی اپنے ‏تیسرے میچ میں (31اکتوبر کو) افغانستان کے مدمقابل ہوں‌ گے۔

ٹی ٹوئنٹی ورلڈ کپ کے سیمی فائنل10اور11نومبر کو کھیلے جائیں گے۔ ٹورنامنٹ کا فائنل 14 نومبر کو ہوگا۔

ورلڈ کپ کا پہلا راؤنڈ 2گروپس کے درمیان کھیلا جائے گا۔

دوسری جانب کھیلوں کے ماہرین کا ماننا ہے کہ پاکستان کے پاس ٹی20ورلڈ کپ جیتنے کا بہترین موقع ‏ہے، یو ‏اے ای میں پاکستان نے بہت کرکٹ کھیلی ہے قومی ٹیم ورلڈکپ جیتنے کی صلاحیت رکھتی ‏ہے۔

Comments

یہ بھی پڑھیں