اسلام آباد: حکومت نے کرونا وبا سے بچاؤ کا دوسرا مرحلہ شروع کرنے کا اعلان کرتے ہوئے معمر افراد کو بڑی خوشخبری سنادی ہے۔
تفصیلات کے مطابق این سی او سی کے سربراہ اور وفاقی وزیر اسد عمر نے سماجی رابطے کی ویب سائٹ ٹوئٹر پر جاری اپنے بیان میں کہا کہ ساٹھ سال سے زائد عمر کےافراد کی ویکسی نیشن دس مارچ سے شروع ہوگی، ویکسی نیشن ان افراد کی جائے گی جنہوں نے خود کو رجسٹرڈ کرایا ہے۔
اپنے ٹوئٹر بیان میں اسدعمر نے کہا کہ کرونا ویکسی نیشن سے متعلق مکمل تفصیلات کل جاری کی جائینگی۔
واضح رہے کہ معمر پاکستان شہریوں کو کرونا کے وار سے بچانے کے لئے گذشتہ ماہ سے رجسٹریشن کا عمل جاری ہے۔
یہ بھی پڑھیں: ملک کے چاروں صوبوں میں کورونا ویکسی نیشن کا آغاز
یاد رہے کہ تین فروری کو ملک کے چاروں صوبوں میں بیک وقت کورونا ویکسی نیشن کا آغاز کیا گیا تھا، سندھ میں وزیراعلیٰ سندھ ، بلوچستان میں وزیراعلیٰ جام کمال اور خیبر پختونخواہ میں وزیراعلیٰ محمود خان نے ویکسی نیشن کا آغاز کیا۔
The vaccination of people 60 years and older will be starting from Wednesday the 10th of March. Vaccinations will be done in reverse order by age. Which means the oldest person who has registered will be vaccinated first. Full details will be issued tomorrow.
— Asad Umar (@Asad_Umar) March 7, 2021
