The news is by your side.

Advertisement

دنیا کا واحد زیر آب ڈاکخانہ کہاں واقع ہے؟

بحرالکاہل کے جنوب میں واقع چھوٹے کے ملک وینوواٹو میں دنیا کا واحد زیر آب پوسٹ آفس جہاں سیاہی کے بجائے خاص قسم کی مہر استعمال کی جاتی ہے۔

دنیا بھر میں تحائف، سرکاری دستاویزات، خطوط اور ٹونسز بھیجنے کےلیے آج بھی پوسٹ آفس کا استعمال کیا جاتا ہے لیکن دنیا میں ایک ایسا پوسٹ آفس بھی موجود ہے جو زیر آب بنایا گیا ہے۔

جی ہاں! یہ انوکھا ڈاک خانہ بحرالکاہل کے جنوب میں واقع ایک چھوٹے سے ملک وینوواٹو کے ہائیڈوے جزیرے کے قریب 2003 میں بنایا گیا تھا جو آج بھی فعال ہے۔

میڈیا رپورٹس کے مطابق یہ ڈاک خانہ 10 فٹ گہرے پانی میں موجود ہے اور اس انوکھے پوسٹ آفس سے واٹر پروف پوسٹ کارڈ خرید کر اور ان پر ٹکٹ لگاکر دنیا بھر میں کہیں بھی ارسال کیا جاسکتا ہے۔

غیر ملکی میڈیا کا کہنا ہے کہ اگر پوسٹ آفس پر عملے کا کوئی فرد موجود نہ ہو تو بھی لوگ اپنا پوسٹ کارڈ ڈاکخانے کے ساتھ موجود ڈراپ باکس میں ڈال سکتے ہیں۔

ذرائع ابلاغ سے پتہ چلا ہے کہ اس انوکھے زیر آب پوسٹ آفس میں سیاہی کا استعمال نہیں کیا جاتا بلکہ ایک خاص قسم کی مہر لگائی جاتی ہے تاکہ مزید کارروائی کی سند رہے۔

Comments

یہ بھی پڑھیں