The news is by your side.

Advertisement

اگلے 3 روز موسم کیسا رہے گا؟

کراچی: اگلے 3 روز موسم کیسا رہے گا، محکمہ موسمیات نے پیش گوئی کرتے ہوئے کہا ہے کہ ملک کے بیش تر علاقوں میں اتوار سے منگل تک موسم خشک رہے گا۔

تفصیلات کے مطابق محکمہ موسمیات نے کہا ہے کہ رات اور صبح کے اوقات میں شمالی علاقوں میں موسم شدید سرد رہے گا، کوئٹہ، قلات اور گرد و نواح میں بھی رات اور صبح کے اوقات میں شدید سرد موسم کی پیش گوئی ہے۔

پنجاب اور سندھ کے میدانی علاقے صبح اور رات کے اوقات میں دھند کی لپیٹ میں رہیں گے، سندھ اور بلوچستان میں منگل تک موسم خشک رہے گا، سکھر، جیکب آباد میں رات اور صبح کے اوقات میں دھند پڑے گی۔

جب کہ کراچی شہر کے درجہ حرارت میں واضح تبدیلی آ گئی ہے، علی الصبح ٹھنڈی ہواؤں کے باعث درجہ حرارت 13 ڈگری ریکارڈ کیا گیا، آیندہ 24 گھنٹے مطلع صاف جب کہ موسم خشک رہے گا، زیادہ سے زیادہ درجہ حرارت 26 سے 28 ڈگری سینٹی گریڈ رہے گا، محکمہ موسمیات کا کہنا ہے کہ شہر میں ہوا 8 کلو میٹر کی رفتار سے چل رہی ہے، جب کہ ہوا میں نمی کا تناسب 57 فی صد ہے۔

ادھر اسکردو سمیت بالائی علاقوں میں کہیں کہیں گرج چمک کے ساتھ بارش ہوئی، برفیلی ہوائوں نے کالام اور استور میں درجہ حرارت منفی 7 تک گرا دیا، اسکردو اور دیر میں منفی 2 ڈگری ریکارڈ کیا گیا۔ بلوچستان میں بھی موسم شدید سرد ہے، قلات میں درجہ حرارت منفی 4 اور کوئٹہ میں منفی 2 تک پہنچ گیا۔

Comments

comments

یہ بھی پڑھیں