The news is by your side.

Advertisement

امریکی خواتین کے لیے کن ریاستوں میں رہنا بہتر ہے؟

واشنگٹن: امریکا کی تمام ریاستوں میں خواتین کے لیے بے پناہ سہولیات موجود ہیں تاہم ریاست منیسوٹا کو سال 2018 کے لیے بہترین قرار دیا گیا جبکہ پانچ ریاستیں بدترین قرار دی گئی ہیں۔

تفصیلات کے مطابق امریکی حکومت کی جانب سے ویسے تو تمام ہی ریاستوں میں خواتین کو بہترین سہولیات فراہم کی جاتی ہیں تاہم اس ضمن میں بہترین اور بدترین ریاستوں کی منصوبہ کی گئی ہے، ڈسٹرکٹ کولمبیا میں ہونے والے مقابلے کے دوران ریاست منیسوٹا کو خواتین کے لیے بہترین قرار دیا گیا ہے۔

امریکی فنانس کی ویب سائٹ ’والٹ حب‘ کے مطابق ڈسٹرکٹ آف کولمبیا کے مقابلے میں امریکا کی پچاس ریاستوں کا موازنہ کیا گیا جن میں خواتین کی زندگی گزارنے کے 23 طریقوں کو مدنظر رکھا گیا۔

مزید پڑھیں: برطانوی کمپنیاں ’حاملہ خواتین‘ کو بوجھ سمجھتی ہیں: تحقیق

والٹ حب نے اوسط آمدنی، بے روزگاری کی شرح اور کاروبار میں خواتین کی شراکت داری جیسے عوامل کے ذریعے رپورٹ مرتب کی جس میں ریاست گوپر خواتین کو اقتصادی اور سماجی بہبود کے اقدامات کرنے اور زور دینے کے باعث(جس نے مجموعی اسکور کا 60 فیْصد حصہ حاصل کیا) پہلے نمبر پر آئی جبکہ بالترتیب دوسرے، تیسرے، چھوتے، اور پانچویں نمبر پر آنے والی ریاستوں میں وسکونسن، ورمونٹ اور شمالی ڈکوٹا شامل ہیں۔

والٹ حب کے مطابق تیسرے مرحلے میں خواتین کی صحت اور حفاظت کے لحاظ سے ہوائی پہلے اور میساچیٹس دوسرے نمبر پر رہا جبکہ کنکٹٹ اور نیو ہیمپشائر پہلے پانچ نمبروں پر آنے والی ریاستوں میں شامل ہیں۔

خیال رہے کہ اسکور کا یہ حصہ خواتین کی صحت کی دیکھ بھال، ڈپریشن کی شرح، زندگی کی توقع اور موٹاپے کی کیفیت جیسے عوامل پر مبنی تھا۔ دوسری جانب خواتین کے لیے جن ریاستوں کو بد ترین قرار دیا تھا ان میں بتدریج لوئی زیانا، آرکنساس، مسی سیپی، اوکلاہوما اور الا بامہ شامل ہیں۔ ان ریاستوں کے بار ے میں کہا گیا ہے کہ یہ خواتین کے لیے مناسب اقدامات کرنے والی ریاستیں نہیں ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں