The news is by your side.

Advertisement

کرونا کے علاج کے لیے دو نئی ادویات کی منظوری

عالمی ادارۂ صحت (ورلڈ ہیلتھ آرگنائزیشن) نے کرونا انفیکشن کے دو عدد نئے طریقہ علاج کی منظوری دے دی ہے۔

تفصیلات کے مطابق ڈبلیو ایچ او نے کرونا کے شدید انفیکشن میں مبتلا مریضوں کے لیے دو ادویات کے مرکب پر مبنی علاج کی منظوری دے دی۔

برٹش میڈیکل جرنل کے مطابق ماہرین کا کہنا ہے کہ جوڑوں کے درد کی دوا باریسیٹینیب (baricitinib) کو ایک اور دوا کورٹیکوسٹیرائیڈز (corticosteroids) کے ساتھ کرونا کے شدید مریضوں کے علاج کے لیے استعمال کیا جا سکتا ہے۔

طبی ماہرین کا کہنا ہے کہ اس دوا کے استعمال سے انفیکشن میں مبتلا مریضوں کے زندہ رہنے کے امکانات میں اضافہ ہوتا ہے اور وینٹی لیٹرز کی ضرورت کم ہو جاتی ہے۔

طبی ماہرین نے کم مدافعت رکھنے والے افراد کے لیے مصنوعی اینٹی باڈی ٹریٹمنٹ سوٹروویمیب Sotrovimab کی بھی سفارش کی ہے۔

تاہم عالمی ادارۂ صحت نے کہا ہے کہ اومیکرون ویرینٹ کے خلاف اس علاج کی تاثیر ابھی تک غیر یقینی ہے۔ بدھ کو ڈبلیو ایچ او کے سربراہ ٹیڈروس اذانوم گیبریئس نے کہا تھا کہ اومیکرون ڈیلٹا کے مقابلے میں کم شدید بیماری کا سبب بنتا ہے، لیکن یہ ایک خطرناک وائرس ہے – خاص طور پر ان لوگوں کے لیے جو ویکسین نہیں لگا رہے ہیں۔

Comments

یہ بھی پڑھیں