The news is by your side.

Advertisement

کیریئر کی بہترین بولنگ کرنے والے حسنین کو کون گائیڈ کرتا رہا؟

لاہور: پاکستان کرکٹ ٹیم کے ابھرتے ہوئے اسٹار فاسٹ بولر محمد حسنین نے میچ کے دوران گائیڈ کرنے والے کھلاڑیوں کا نام بتادیا۔

اپنے ویڈیو پیغام میں نوجوان فاسٹ بولر کا کہنا تھا کہ گذشتہ روز زمبابوے کے خلاف کیریئر کی بہترین بولنگ کرنے پر بہت خوش ہوں، محمد حسنین کا کہنا تھا کہ وہاب ریاض، شاہین شاہ آفریدی قومی کرکٹ ٹیم نے سینیئر کھلاڑی ہیں، میچ میں ان کی موجودگی نے بہت حوصلہ دیا اور بولنگ کوچ وقار یونس کی جانب سے دی گئی ٹپس کو بروئے کار لاتے ہوئے کامیابی حاصل کی۔

پاکستان کرکٹ ٹیم کے ابھرتے ہوئے اسٹار فاسٹ بولر محمد حسنین نے اپنی فٹنس سے متعلق بتایا کہ اپنی فٹنس پر بھرپور توجہ دے رہا ہوں خود کو لمبی کرکٹ کا بولر بنارہا ہوں، ابھی زمبابوے کے ساتھ ٹی ٹوئنٹی سیریز ہے، کوشش کرینگے کہ تینوں میچز جیتیں، اور سیریز کو اپنے نام کرے۔

واضح رہے کہ زمبابوے کے خلاف اپنے ڈبییو میچ میں فاسٹ بولر محمد حسنین نے کیریئر کی شاندار بولنگ کرتے ہوئے 10 اوورز میں 26 رنز دیکر 5 وکٹیں حاصل کیں تھیں، نوجوان فاسٹ بولر نے زمبابوے کی آدھی ٹیم کو پویلین کی راہ دکھائی تھی۔

Comments

یہ بھی پڑھیں