امسٹرڈم: یورپی ملک نیدرلینڈز کے ایک پارک میں پڑی برف سے لپٹی پراسرار ‘لاش’ کی حقیقت سامنے آگئی۔
غیرملکی خبررساں ادارے کی رپورٹ کے مطابق نیدرلینڈز کے دارالحکومت امسٹرڈم میں لاش کا معمہ حل ہوگیا جس نے پولیس اہلکاروں کو قہقہہ لگانے پر مجبور کردیا۔
رپورٹ کے مطابق گشت کے دوران پولیس اہلکاروں کو برف میں لپٹی ایک لاش دکھی، اہلکار پاس گئے اور اٹھانے کی کوشش کی تو پتا چلا وہ کوئی انسان نہیں بلکہ برف کے گالوں سے بنا ایک ‘سنومین’ ہے۔
پولیس کو پارک کے اطراف پیٹرولنگ کے وقت زمین پر جو انسانی جسم پڑا ملا وہ درحقیقت سنومین تھا۔
قانون نافذ کرنے والے ادارے کے افسران کا کہنا ہے کہ جب واقعے کی حقیقت کا علم ہوا تو ہم ہنس پڑے، کسی نے بڑی مہارت کے ساتھ سنومین تیار کیا جس کی ناک پر گاجر رکھا ہوا تھا۔
امکان ظاہر کیا گیا ہے یہ کسی نے شرارتی انداز میں کسی کو دھوکا دینے کے لیے اس طرح سڑک پر سنومین بنایا۔ تاہم پولیس اب تک سنومین تیار کرنے والے شخص کا پتا نہ لگا سکی۔