پاکستان کے مایہ ناز سابق اسپنر سعید اجمل نے افغانستان کے اسپن اٹیک کو پاکستان کے لیے خطرہ قرار دے دیا۔
اے آر وائی نیوز کے پروگرام آف دی ریکارڈ میں گفتگو کرتے ہوئے سعیداجمل نے کہا کہ افغانستان کے 3اسپنرز نے پوری ٹیم کو ہولڈ کر رکھا ہے یہ تینوں اسپنرز پاکستان کو ٹف ٹائم دیں گے۔
انہوں نے کہا کہ افغانستان کے تینوں اسپنرز بہترین بولنگ کر رہے ہیں افغانستان کی ٹیم کسی بھی بڑی ٹیم کو ہرا سکتی ہے شاہین آفریدی کی پیس بہت اچھی ہے بہترین بولنگ کر رہےہیں۔
سعیداجمل نے کہا کہ پاکستان کی ٹیم کچھ عرصےسے اسپنرز کو اچھانہیں کھیل پا رہی اس لیے افغانستان کے تینوں اسپنرز ورلڈکلاس ہیں جو ٹف ٹائم دیں گے۔
ان کا کہنا تھا کہ افغانستان کے 2 اسپنرز اٹیکنگ ہیں اور تیسرا آخری اوورز میں آتا ہے اماراتی کنڈیشنز میں اسپنرز بہت چل رہے ہیں ٹف ٹائم دیتےہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں