بالی ووڈ کے کنگ شاہ رخ خان کے محل نما گھر میں، جس کا نام منت ہے، نوکروں کی ایک فوج ہے، تاہم شاہ رخ خان اور ان کی اہلیہ گوری اس قدر مصروف رہتے ہیں کہ ان کے گھر کا انتظام کسی اور شخص کے پاس ہے جو خود وہاں رہتا بھی نہیں ہے۔
شاہ رخ خان کا محل یعنی منت بھی انہی کی طرح بے حد مقبول ہے، منت اس وقت صرف ایک بنگلہ نہیں ہے بلکہ ایک ٹورسٹ اسپاٹ بن چکا ہے۔ اس کے آگے تصویر کھنچوانے کے لیے ہزاروں افراد ہر وقت جمع رہتے ہیں۔
حال ہی میں شاہ رخ خان کی اہلیہ گوری خان نے بتایا ہے کہ منت کا باس کون ہے۔
گوری نے بتایا کہ ان کا گھر ان کی والدہ سویتا چھیبا کے اشارے پر چلتا ہے جو دہلی میں رہتی ہیں، ان کی ماں دہلی سے منت کو ریموٹ کنٹرول کرتی ہیں۔
انہوں نے بتایا کہ ان کی والدہ گھر کے اسٹاف کے ساتھ رابطے میں رہتی ہیں، واٹس ایپ کے ذریعے تصویریں شیئر ہوتی رہتی ہیں۔ گھر کا یہ حصہ گندا ہے، اس حصے میں صفائی کی ضرورت ہے، یہ سب چلتا رہتا ہے۔
گوری کے مطابق ان کی والدہ ان سب میں خود کو مصروف رکھتی ہیں اور ان کے گھر کے اسٹاف کو کنٹرول کرتی رہتی ہیں۔
