The news is by your side.

Advertisement

دنیا کا سب سے بڑا اور انمول ہیرا ‘کوہِ نور’ آخر کس کا ہے؟ لاہور ہائی کورٹ میں درخواست دائر

برطانیہ میں موجود دنیا کے سب سے بڑے اور انمول ہیرے ‘کوہِ نور’ سے متعلق لاہور ہائی کورٹ میں درخواست دائر کی گئی جس میں کہا گیا ہے کہ اس ہیرے کا حق دار پاکستان ہے۔

تفصیلات کے مطابق کوہِ نوہ ملکہ برطانیہ کے تاج پر نصب ہے جسے لندن آف ٹاور میں رکھا گیا ہے، ہیرے کو 1849 میں ایک ٹریٹی کے تحت مہاراجہ آف لاہور نے برطانوی راج کے حوالے کیا تھا جو پہلے کوئن وکٹوریہ کے پاس رہا لیکن بعد میں ان کے شوہر نے اس کا حجم کم کرکے تاج میں نصب کردیا۔

Koh-i-Noor - Wikipedia

Koh-i-Noor Diamond | The Royal Watcher

کوہِ نور بعد میں کوئن الزبتھ کی والدہ کے پاس آیا لیکن اب ملکہ برطانیہ الزبتھ اس تاج کو نہیں پہنتیں جس کے باعث اسے نمائش کے طور پر لندن آف ٹاور میں رکھا گیا ہے۔

دوسری جانب بیرسٹر جاوید اقبال جعفری نے لاہور ہائی کورٹ میں درخواست دائر کی ہے جو یکم جولائی کو سماعت کے لیے مقرر کرلی گئی۔ درخواست گزار کا کہنا ہے کہ کوہ نور پاکستان کا قومی ورثہ ہے، برطانیہ نے یہ ہیرا لاہور کے مہاراجہ رنجیت سنگھ کے پوتے دلیپ سنگھ سے چھینا تھا جو بعد میں ہر دور سے گزرتا ہوا ملکہ الزبتھ ثانی کے پاس آیا، اقوام متحدہ نے ایک رپورٹ میں کہا تھا کہ یہ جس خطے کا قومی ورثہ ہے وہاں بھیجا جائے۔

انہوں نے درخواست میں مطالبہ کیا ہے کہ برطانیہ کوہ نور کو پاکستان کا قومی ورثہ قرار دے۔

اے آر وائی نیوز کے پروگرام باخبر سویرا میں گفتگو کرتے ہوئے شعبہ تاریخ کے پروفیسر ڈاکٹر معیز خان کا کہنا تھا کہ کوہ نور دنیا کا سب سے بڑا تقریباً 105 کیرٹ کا ہیرا ہے، یہ بناوٹ اور حجم کے لحاظ سے اپنی الگ ہی شناخت رکھتا ہے، انمول چیزوں کی کوئی قیمت نہیں ہوتی ان کی بولیاں لگتی ہیں۔

Comments

یہ بھی پڑھیں