نیشنل کمانڈ این آپریشن سینٹر این سی او سی کے سربراہ اسدعمر نے کہا ہے کہ وزیراعلیٰ سندھ سے جو بات ہوئی نوٹی فکیشن اس سےمختلف تھا۔
نجی ٹی وی کے پروگرام میں گفتگو کرتے ہوئے اسدعمر نے کہا کہ ناصرشاہ نےکہاتھاسندھ میں پابندیاں این سی اوسی کےکہنےپرلگائیں مجھے بتائیں کہ این سی اوسی نےکب کہا تھا کرفیو لگا دیں، بسوں بند کردیں، ڈبل سواری پر پابندی لگا دیں؟
اسدعمر نے کہا کہ وزیراعلیٰ سندھ سےجب بات ہوئی تو انہیں واضح کہا تھا کہ ٹرانسپورٹ بند نہ کریں لیکن جب نوٹی فکیشن آیا تو اس میں کیے گئے فیصلے مختلف تھے۔
وفاقی وزیر نے کہا کہ کورونا کی پچھلی لہر میں لاہور زیادہ متاثرہوا تھا لیکن ہم نےلاہورمیں کبھی لاک ڈاؤن ہونےنہیں دیا، وزیراعظم نے کورونا کے خلاف کو حکمت عملی اختیار کی پوری دنیا نے اس کی تعریف کی لیکن سندھ حکومت اس طرزعمل کو اختیار نہیں کر سکی۔
اے آر وائی نیوز کے پروگرام سوال یہ ہے میں گفتگو کرتے ہوئے وزیراطلاعات سندھ ناصرحسین شاہ نے کہا کہ ایکسپورٹ انڈسٹری کو بند نہیں کیاگیا ہے پی ٹی آئی کے دوست ایسی باتیں کررہے ہیں جیسے ہم نے کرفیو لگادیا ہے۔