عالمی ادارہ صحت، آن لائن ویڈیو گیم کھیلنا ذہنی بیماری ہے، ڈرافٹ تیار WHO
The news is by your side.

Advertisement

عالمی ادارہ صحت، آن لائن ویڈیو گیم کھیلنا ذہنی بیماری ہے، ڈرافٹ تیار

عالمی ادارہ صحت (WHO) نے ویڈیو گیم کھیلنے کو ایک بیماری تسلیم کرلیا ہے جس سے ذہنی صحت متاثر ہوتی ہے چنانچہ مسلسل ویڈیو گیم کھیلنے کو اس سہ ماہی میں نفسیاتی بیماری سے تعبیر کرنے کا ڈرافٹ تیار کرلیا جائے گا۔

عالمی ادارہ صحت کی ماہر ڈاکٹرز اور ماہر نفسیات کی ٹیم نے مختلف انسانی عادتوں اور مسائل اور ان کے وجوہات اور اثرات پر تحقیقات کا سلسلہ جاری رکھا ہوا تھا جس کا لب لباب سامنے آگیا ہے۔

تحقیقاتی رپورٹ کی روشنی میں عالمی ادارہ صحت نے خراب عادتوں اور سماجی خرابیوں کے 11 اقسام کو ایک بیماری کے طور پر تسلیم کرنے کا فیصلہ کرلیا ہے جس میں ویڈیو گیم کھیلنا بھی شامل ہے۔


اسی سے متعلق : خودکش بلیو وہیل گیم پاکستان پہنچ گیا، خیبرپختونخواہ کے 2 نوجوان متاثر


اس ڈرافٹ میں مسلسل ویڈیو گیم کھیلنے کو ’گیمنگ ڈس آرڈر‘ نامی ذہنی بیماری کے زمرے میں شمار کرنے کی تجویز رکھی گئی ہے جس کا اطلاق آن لائن اور اسمارٹ آلات پر گیم کھیلنے والے افراد پر بھی ہوگا۔

ڈرافٹ کے متن مطابق ایک سال تک مسلسل ویڈیو گیم کھیلنے والے ذہنی مسائل کا شکار ہو سکتے ہیں جن میں ڈیپریشن، اینگزائیٹی، موڈ چینجر اور نیوٹریشن سے متعلق مسائل شامل ہیں۔

خیال رہے اس سے قبل بلیو وہیل نامی گیم کھیلنے کی وجہ سے کئی لوگ خود کشی  کرنے پر مجبور ہوئے جن کے بارے میں کہا جاتا ہے کہ وہ تمام افراد کسی نہ کسی ذہنی مرض میں مبتلا تھے۔

Comments

comments

یہ بھی پڑھیں