The news is by your side.

Advertisement

پولیو پراعلیٰ سطح کا اجلاس ، عالمی ادارہ صحت کا وزیراعظم عمران خان سےاظہار تشکر

نیویارک : عالمی ادارہ صحت نے پولیو پراعلیٰ سطح کا اجلاس بلانےپر وزیراعظم عمران خان سےاظہارتشکر کرتے ہوئے کہا آپ کی کوشش،قیادت میں پاکستان جلدپولیوفری ملک بن جائے گا۔

تفصیلات کے مطابق عالمی ادارہ صحت ( ڈبلیوایچ او) نے وزیراعظم عمران خان سےاظہارتشکر کرتے ہوئے کہا پولیو پراعلیٰ سطح کا اجلاس بلانے پر عمران خان کے شکرگزارہیں، آپ کی کوشش اور قیادت میں پاکستان جلدپولیو فری ملک بنے گا ، پاکستان سےپولیوکےخاتمےکیلئےہرممکن کوشش کریں گے۔

گذشتہ روز مائیکروسافٹ کے بانی بل گیٹس نے خط میں کے پی میں بڑھتےپولیوکیسز پراجلاس طلب کرنےپروزیراعظم عمران خان کاشکریہ ادا کرتے ہوئے پولیو کے خاتمے کی کوششوں پر حکومت پاکستان کو خراج تحسین پیش کیا تھا۔

بل گیٹس کا کہنا تھا کہ پولیو ختم کرنے کےلیے ذہنوں سے شکوک نکالنا انتہائی ضروری ہے، حفاظتی ٹیکہ جات پروگرام پر حکومت کی خصوصی توجہ درکار ہے۔

مزید پڑھیں : بل گیٹس کا عمران خان کو خط ، ملک میں بڑھتے ہوئے پولیو کیسز پر اجلاس طلب کرنے پر شکریہ

مائیکروسافٹ کے بانی نے انسدادپولیو ،ڈاکٹر ثانیہ نشتر اور احساس پروگرام کی بھی تعریف کی اور ستمبرمیں اقوام متحدہ اجلاس میں وزیراعظم سے ملاقات کی خواہش کا اظہار کیا تھا۔

یاد رہے وزیراعظم کی زیر صدارت پولیو سے متعلق اجلاس ہوا تھا ، جس مین پولیو کے بڑھتے کیسز پر وزیراعظم کاتشویش کا اظہار کرتے ہوئے وفاق اورصوبوں کو پولیو کےخلاف مؤثر مہم چلانے کی ہدایت کی تھی اور کہا تھا پولیو کا خاتمہ حکومت کی اولین ترجیح ہے۔

پاک فوج کی جانب سےپولیو ٹیموں کومکمل سکیورٹی فراہم کرنے کی یقین دہانی کرائی گئی تھی جبکہ دور دارز علاقوں میں رسائی اورویکسی نیشن کی فراہمی میں پاک فوج معاونت کرےگی جبکہ عالمی اداروں کی بھی پاکستان میں پولیو کے خاتمےکیلئےتعاون کی یقین دہانی کرائی تھی۔

Comments

comments

یہ بھی پڑھیں