آشیانہ ہاؤسنگ اسکیم میں ٹھیکا دینے کا راز نیب کو کس نے بتایا؟ -
The news is by your side.

Advertisement

آشیانہ ہاؤسنگ اسکیم میں ٹھیکا دینے کا راز نیب کو کس نے بتایا؟

لاہور: آشیانہ اسکینڈل میں کب کیا ہوا، اس بارے میں نیب کو کس نے بتایا، اے آر وائی نیوز نے راز بتانے والے کا سراغ لگا لیا۔

تفصیلات کے مطابق ذرائع نے بتایا کہ پی ایل ڈی سی کے پروجیکٹ ڈائریکٹر معظم علی نے نیب ٹیم کو آگاہ کیا، معظم علی نے آشیانہ ہاؤسنگ اسکیم میں ٹھیکا دینے کا راز افشا کیا۔

ذرائع کے مطابق معظم علی نے نیب کو پی ایل ڈی سی پروجیکٹ میں سابق وزیرِ اعلیٰ پنجاب شہباز شریف کی مداخلت اور فواد حسن کے دھمکانے کا بتایا۔

معظم علی نے بتایا کہ 2012 میں فواد حسن فواد نے دفتر بلایا، لطیف سنز کا ٹھیکا منسوخ کرنے کے لیے دباؤ ڈالا، اس وقت کاسا ڈیولپرز کے عہدے دار بھی کمرے میں موجود تھے۔

معظم علی نے بتایا کہ ٹھیکا منسوخ کرنے سے انکار پر انھیں دھمکیاں دی گئیں، فواد حسن نے چیف ایگزیکٹو پی ایل ڈی سی کو بھی فون کرکے دباؤ ڈالا۔


یہ بھی پڑھیں:  آشیانہ اقبال اسکینڈل: احد چیمہ اور فواد حسن فواد نے تمام ملبہ شہباز شریف پر ڈال دیا


قومی احتساب بیورو نے معظم علی کے بیان پر دونوں کو طلب کرنے کا فیصلہ کیا جو بعد ازاں شہباز شریف کی گرفتاری تک جا پہنچا۔

یاد رہے کہ تین دن قبل آشیانہ اقبال اسکینڈل کیس میں گرفتار احد چیمہ اور فواد حسن فواد نے تمام ملبہ شہباز شریف پر ڈال دیا تھا، ذرائع کے مطابق فواد حسن فواد وعدہ معاف گواہ بن گئے ہیں، انھوں نے کہا تھا کہ جو کچھ کیا شہباز شریف کے کہنے پر کیا۔

Comments

comments

یہ بھی پڑھیں