The news is by your side.

Advertisement

نواز شریف کی نااہلی کے بعد نیا وزیر اعظم کون ہوگا؟

اسلام آباد: پاناما کیس کے تاریخی فیصلے اور وزیر اعظم نواز شریف کی نا اہلی کے بعد حکومت ختم اور کابینہ تحلیل ہوچکی ہے۔ اگلے انتخابات سے قبل کے چند ماہ کے لیے نئے وزیر اعظم کا تقرر کیا جائے گا۔

تفصیلات کے مطابق پاناما کیس کا فیصلہ آنے سے قبل آج صبح سابق وزیر اعظم نواز شریف کی زیر صدارت مشاورتی اجلاس منعقد ہوا جس میں مستقبل کے لائحہ عمل کے ساتھ اس بات پر بھی غور کیا گیا کہ نیا وزیر اعظم کس کو مقرر کیا جائے۔

اجلاس پاناما کیس کا فیصلہ آنے کے بعد ایک بار پھر شروع کیا گیا ہے جس میں نئے وزیر اعظم کے لیے مشاورت جاری ہے۔

!مزید پڑھیں: پکی گوٹ پٹ گئی

اجلاس میں مولانا فضل الرحمٰن سمیت دیگر اتحادیوں کو بھی بلا لیا گیا ہے۔ ذرائع کے مطابق اجلاس میں وفاقی وزیر داخلہ چوہدری نثار بھی شریک ہوئے۔

ذرائع کا کہنا ہے کہ وزیر داخلہ چوہدری نثار وزارت عظمیٰ کی دوڑ میں شامل ہیں۔ ان کے علاوہ شاہد خاقان عباسی اور اسپیکر قومی اسمبلی ایاز صادق بھی وزیر اعظم کے عہدے کے لیے امیدوار ہیں۔

اجلاس میں وزیر اعظم کے قریبی ساتھی اور وفاقی وزیر خواجہ آصف امریکا کے دورے پر ہونے کی وجہ سے شریک نہ ہوسکے۔

پاناما کیس کے فیصلے کے بعد مسلم لیگ ن کی قانونی ٹیم آج ساڑھے 4 بجے پریس کانفرنس کرے گی۔


Print Friendly, PDF & Email

Comments

comments

یہ بھی پڑھیں