اسلام آباد: اسٹیٹ بینک آف پاکستان کا گورنر اور فیڈرل بورڈ آف ریونیو کا چیئرمین نامزد کرنے کے لیے حکومت نے مختلف ناموں پر غور شروع کردیے۔
تفصیلات کے مطابق فیڈرل بورڈ آف ریونیو کی چیئرمین شپ کے لیے احمد مجتبیٰ میمن، جاوید غنی اور فضل یزانی کے نام زیر غور ہیں جبکہ گورنر اسٹیٹ بینک کے لیے ڈاکٹر باقر رضا کو مضبوط امیدوار قرار دیا جارہا ہے۔
نمائندہ اے آر وائی عبد القادر مطابق ڈاکٹر رضا باقر مصرمیں آئی ایم ایف کےسینئرعہدیدار ہیں اور وہ رومانیہ میں آئی ایم ایف کے مشن چیف بھی رہ چکے ہیں، انہیں ممکنہ طور پر اسٹیٹ بینک کا گورنر تعینات کیا جاسکتا ہے البتہ تقرری کا حتمی فیصلہ عمران خان کریں گے۔
مزید پڑھیں: حکومت کے بڑے فیصلے، گورنر اسٹیٹ بینک اور چیئرمین ایف بی آر عہدوں سے فارغ
یاد رہے کہ گزشتہ روز حکومت نے معاشی صورتحال کے پیش نظر گورنر اسٹیٹ بینک طارق باجوہ اور چیئرمین ایف بی آر جہانزیب خان کو عہدوں سے ہٹایا تھا جس کے بعد دونوں اہم نشستیں خالی ہوئیں۔
ذرائع کا کہنا تھا کہ وزیراعظم عمران خان دونوں کی کارکردگی سے خوش نہیں تھے اور انہیں ہٹانے کا فیصلہ سابق وفاقی وزیر خزانہ اسد عمر کے دور میں ہوچکا تھا البتہ ناگزیر وجوہات کی بنیاد پر فیصلے میں تاخیر پیش آئی۔
