ایچ بی ایل پاکستان سپر لیگ میں ملتان سلطان کی دریافت فاسٹ بولر احسان اللہ نے پلیئر آف دی ٹورنامنٹ کا ملنے والا اعزاز اپنے والد کے نام کردیا۔
اے آر وائی نیوز کے مطابق ایچ بی ایل پاکستان سپر لیگ ایک ماہ تک شائقین کرکٹ کو محظوظ کرنے کے بعد گزشتہ روز ایک رنگا رنگ اختتامی تقریب اور سنسنی خیز فائنل میچ کے ساتھ اختتام پذیر ہوگیا۔
ایونٹ کے اختتام پر ملتان سلطانز کی دریافت فاسٹ بولر احسان اللہ کو پورے ٹورنامنٹ میں شاندار کارکردگی پر پلیئر آف دی ٹورنامنٹ کے اعزاز سے نوازا گیا۔
یہ بھی پڑھیں: دوسری بار پی ایس ایل فائنل ہارنے پر ملتان سلطانز کے کپتان نے کیا کہا؟
احسان اللہ نے خود کو ملنے والا یہ بڑا ایوارڈ اپنے والد کے نام کردیا۔ میڈیا سے بات چیت کرتے ہوئے بولر نے کہا کہ آج اس مقام پر ہوں اس میں والد کا بڑا ہاتھ ہے۔ انہوں نے مجھے یہاں تک پہنچانے کے لیے بہت سپورٹ کیا۔
Comments
