The news is by your side.

Advertisement

وزارت کو پہلا نمبر کیوں ملا؟ مرادسعید نے اہم وجہ بتادی

وزیراعظم عمران خان کی جانب سے وزراء کی کارکردگی میں پہلی پوزیشن حاصل کرنے والے وفاقی وزیر مواصلات مراد سعید نے ایوارڈ ملنے کی وجہ بتا دی۔

اسلام آباد میں پریس کانفرنس کرتے ہوئے مرادسعید نے کہا کہ میری وزارت کو ایوارڈ میرے ماتحت 46 ہزار اہلکاروں کی وجہ سے ملا مجھ سےبغض اور نفرت رکھیں مگر 46ہزار ملازمین سے زیادتی نہ کریں۔

مرادسعید نے کہا کہ میرےخلاف غلیظ مہم چلائی جارہی ہے عوام یہ بھی دیکھ رہےہیں میرےخلاف حالیہ کیسی غلیظ مہم شروع کی گئی دلائل سے بات کرتا ہوں تو میرےخلاف غلیظ اور نازیبا گفتگوکی جاتی ہے، آغا رفیع ، قادرپٹیل، راناثنا، حمداللہ جیسے لوگ غلیظ گفتگو شروع کرتےہیں یہ کہتےتھےمرادسعیدبھی گالی دیتا ہے پوچھا تو کہا فرزند زرداری کہتاہے میری ذات کو نشانہ بنایاجاتا تھا لیکن اب فیملی کواس لیےبول رہا ہوں۔

انہوں نے کہا کہ غلیظ مہم پرایف آئی اےمیں شکایت کرنا میرا قانونی حق ہے آئین حق دیتاہےقانون کےمطابق شکایت کریں جومیں نےکیا، آئین پاکستان پر اعتماد رکھتے ہوئے قانونی راستہ اختیار کیا ادارےکومیری شکایت پر کیسے کارروائی کرنی تھی سوال مجھ سےنہیں بنتا۔

وفاقی وزیر کا کہنا تھا کہ دو نہیں ایک پاکستان اورایک قانون کانعرہ ایمان کی حیثیت رکھتاہے متعلقہ ادارہ کس طرح کارروائی کرتاہےیہ سوال مجھ سےنہیں بنتا، ادارہ بہترسمجھتاہےکہ میری درخواست پرکیسےکارروائی کرنی چاہیے ایف آئی اے میں اپنے ورکرز کی عزت کیلئے شکایت لےکر گیا ہوں۔

Comments

یہ بھی پڑھیں