The news is by your side.

Advertisement

ایسکیلیٹرز کی سائیڈ پر برش کیوں ہوتے ہیں؟

کیا آپ نے کبھی غور کیا ہے کہ ایسکیلیٹر (برقی) سیڑھیوں پر دائیں اور بائیں نچلے حصے میں جوتے صاف کرنے والے برش کے ریشے کیوں ہوتے ہیں؟

عام خیال کے برعکس یہ برش یا ریشے جوتوں کی صفائی کے لیے نہیں ہیں۔

ان ریشوں کو ایسکیلیٹر برشز کہا جاتا ہے جبکہ کچھ کو اسکرٹ ڈیفلیکٹرز بھی کہتے ہیں، یہاں اسکرٹ سے مراد وہ غلاف ہے جو سیڑھیوں اور کناروں کے درمیان ہوتا ہے۔

یہ برشز بنیادی طور پر ان سیڑھیوں پر سفر کرنے والوں کے تحفظ کے لیے ہوتے ہیں کیونکہ یہ خلا کے درمیان سرحد کا کام کرتے ہیں۔

یہ سیڑھیوں اور سائیڈز کے درمیان موجود خلا میں کوئی چیز جیسے بیگز، کپڑے یا جوتے پھنس جائے تو موٹر کے درمیان جا کر ایسکیلیٹر کو کام کرنے سے روک سکتے ہیں۔

دراصل ایسکیلیٹر اتنے طاقتور ہوتی ہیں کہ وہ انسانی جسمانی اعضا کو نقصان پہنچا سکتے ہیں، یہاں پر اکثر حادثات ہاتھ یا پیر اس خلا میں پھنسنے کے نتیجے میں ہوتے ہیں تو یہ برشز لوگوں کو یاد دلاتے ہیں کہ وہ سائیڈ سے ذرا ہٹ کر کھڑے ہوں۔

Comments

یہ بھی پڑھیں