مخالفین مقدس گائے نہیں، میڈیا کی خاموشی ناقابل فہم ہے، سعد رفیق Saad Rafiq
The news is by your side.

Advertisement

مخالفین مقدس گائے نہیں، میڈیا کی خاموشی ناقابل فہم ہے، سعد رفیق

اسلام آباد: وفاقی وزیر ریلوے خواجہ سعد رفیق نے کہا ہے کہ مخالفین مقدس گائے نہیں، آئین کے آرٹیکل آئی 25 کے تحت قانون کی نظر میں سب برابر ہیں تو عمران خان کی نااہلی کیس کے معاملے پر میڈیا ٹاک پابندی ناقابل فہم ہے۔

اسلام آباد میں میڈیا سے گفتگو کرتے ہوئے خواجہ سعد رفیق نے کہاکہ پاناما کیس کی سپریم کورٹ میں سماعت کے دوران شریف خاندان کا روزانہ کی بنیاد پر میڈیا ٹرائل کیا گیا مگر عمران خان نااہلی کیس پر کوئی ٹاک شو نہیں کیا جارہا۔

انہوں نے کہا کہ عمران خان روزانہ سماعت کے بعد ججوں کے ریمارکس اور فیصلوں کو مسخ کر کے پیش کرتے تھے اور اسی بنیاد پر روزانہ شام ٹاک شوز میں شریف خاندان کا میڈیا ٹرائل کیا جاتا تھا۔

وفاقی وزیرریلوے نے کہا کہ آئین کے آرٹیکل آئی 25 کے تحت قانون کی نظر میں سب برابر ہیں اور کوئی مقدس گائے نہیں، دوسروں پر تنقید کرنے والے اب خود تنقید کا نشانہ بنیں گے اس لیے ہم نے فیصلہ کیا کہ عمران خان کو رعایت نہیں دی جائے گی۔

یاد رہے پاناما کیس کی سماعت کے بعد حکومت اور اپوزیشن کے نمائندے ایک دوسرے پر لفظی گولا باری کرتے اور اپنی فتح کا اعلان کرتے نظر آتے تھے۔

Comments

comments

یہ بھی پڑھیں