The news is by your side.

Advertisement

پارک سے کیوں نکالا؟ نوجوانوں نے بھارتی پولیس اہلکار کی پٹائی کردی، ویڈیو وائرل

نئی دہلی : بھارت میں اوباش نوجوانوں نے کرونا کرفیو کی خلاف ورزی سے روکنے پر پولیس اہلکار کی درگت بنا ڈالی۔

بھارتی ریاست پنجاب اور ہریانہ کے دارالحکومت چندی گڑھ میں پولیس اہلکار کو تشدد کا نشانہ بنانے کا واقعہ پیش آیا، جس کی ویڈیو سوشل میڈیا پر وائرل ہوگئی۔

بھارت کرونا کی بدترین صورتحال سے دوچار ہے، جہاں روزانہ کی بنیاد پر ساڑھے تین لاکھ سے زائد افراد کرونا کا شکار ہورہے ہیں جب کہ ہزاروں افراد یومیہ بنیادوں پر تڑپ تڑپ کر زندگی کی بازی ہار رہے ہیں۔

رپورٹس کے مطابق کچھ نوجوان کرونا کرفیو کے دوران پارک میں سیر و تفریح کررہے تھے، جنہیں دیکھ کر ایک پولیس اہلکار نے انہیں پارک سے نکالنے کی کوشش کی۔

اہلکار کے پارک سے نکالنے پر نوجوان مشتعل ہوگئے اور پولیس اہلکار کی پٹائی کردی، ویڈیو میں نوجوانوں کو پولیس اہلکار پر پتھراؤ کرتے بھی دیکھا جاسکتا ہے۔

نوجوان پولیس اہلکار کو تشدد کا نشانہ بنانے کے بعد جائے وقوعہ سے فرار ہوگئے جب کہ وہاں موجود دیگر افراد کھڑے تماشا دیکھتے رہے۔

خیال رہے کہ بھارت کرونا کی بدترین صورتحال سے دوچار ہے، جس سے نمٹنے کےلیے حکام نے ملک بھر میں کرفیو نافذ کررکھا ہے۔

Comments

یہ بھی پڑھیں