The news is by your side.

Advertisement

سنجے دت نے پاکستان سے محبت میں فلم سائن کر ڈالی

ممبئی: معروف بالی ووڈ اداکار سنجے دت نے پاکستان سے محبت اور جذباتی تعلق میں فلم سائن کر ڈالی، ان کی آنے والی ’کلنک‘ میں ان کے کام کرنے کی وجہ پاکستان سے ان کی محبت بنی۔

بالی ووڈ کے معروف اداکار سنجے دت نے فلم کلنک سائن کرنے کی وجہ بتاتے ہوئے کہا کہ پاکستان سے جذباتی تعلق کی وجہ سے انہوں نے اس فلم میں کام کرنے کی ہامی بھری۔ فلم کلنک کرن جوہر کی پروڈکشن میں بن رہی ہے اور کہا جارہا ہے کہ فلم میں پاکستان کے ساتھ گہرا تعلق دکھایا جائے گا۔

سنجے دت فلم میں پاتریاچ بلراج چوہدری کا اہم کردار ادا کر رہے ہیں۔ ایک بھارتی ویب سائٹ کو انٹرویو دیتے ہوئے انہوں نے بتایا کہ سنہ 1993 میں جب وہ فلم ’گمراہ‘ میں کام کر رہے تھے اس وقت پروڈیوسر یش جوہر نے انہیں فلم ’کلنک‘ کی کہانی سے متعلق بتایا تھا۔

انہوں نے کہا کہ یش اور کرن جوہر کی پروڈکشن کمپنی بالکل میری فیملی کی طرح ہے لہٰذا گزشتہ برس کرن جوہر نے جب دوبارہ مجھ سے اس فلم کے حوالے سے بات کی تو میں نے فلم میں کام کرنے کی ہامی بھرلی۔

سنجے دت نے بتایا کہ فلم میں میرے کردار کا نام بلراج ہے جو کہ میرے والد سنیل دت کا اصل نامی ہے۔ برصغیر کی تقسیم کے وقت میرے والد پاکستان سے بھارت آئے تھے لہٰذا اس سے میرا جذباتی تعلق ہے۔

کہا جارہا ہے کہ یش جوہر نے فلم ’کلنک‘ کے سیٹ کی تیاری کے لیے 15 سال قبل لاہور کا دورہ کیا تھا تاہم وہ یہ فلم مکمل نہ کر سکے اور اب ان کے بیٹے کرن جوہر نے اپنے والد کا خواب پورا کرنے جارہے ہیں۔

فلم میں عالیہ بھٹ، ورن دھون، سوناکشی سنہا اور آدیتیہ رائے کپور کے علاوہ تقریباً 2 دہائیوں بعد سنجے دت اور مادھوری ڈکشٹ ایک ساتھ نظر آئیں گے۔

Comments

comments

یہ بھی پڑھیں