The news is by your side.

خلیجی ملک سے ڈرائیورز کی ملک بدری کیوں؟

کویت میں ٹریفک قوانین کی خلاف ورزی پر بس ڈرائیوز کو ملک بدر کرنے کے احکامات جاری کر دیے گئے۔

کویتی میڈیا کے مطابق وزارت داخلہ نے بس ڈرائیوز کو خبردار کیا ہے کہ ٹریفک قوانین کی خلاف ورزی پر سخت کارروائی کا سامنا کرنا پڑے گا جس میں ملک بدری بھی شامل ہے۔

وزارت نے متنبہ کیا کہ بس ڈرائیورز اگر ٹریفک قوانین کی پاسداری نہیں کرتے ہوئے مقررہ مقامات کے علاوہ ممنوعہ پارکنگ والے مقامات پر بس روکتے ہیں تو ڈرائیورز کو وطن واپس بھیج دیا جائے گا۔

وزارت داخلہ کے اسسٹنٹ انڈر سیکرٹری برائے ٹریفک اور آپریشنز امور میجر جنرل جمال الصایغ نے زور دیا کہ بس ڈرائیوروں کو چاہیے کہ وہ وزارت کی طرف سے مقرر کردہ ہدایت پر عمل کریں۔

انہوں نے ہدایت کی کہ ڈرائیوز بسوں کو صرف پارکنگ کی مخصوص جگہوں پر ہی پارک کریں۔

Comments

یہ بھی پڑھیں