ایف آئی اے نے جعل سازی سے بیرون ملک جانے والی خاتون مسافر کو حراست میں لے لیا۔
تفصیلات کے مطابق ایف آئی اے امیگریشن نے لاہور ائیرپورٹ پر کارروائی کرتے ہوئے خاتون مسافر کو آف لوڈ کر دیا۔
ترجمان ایف آئی اے کا کہنا ہے کہ خاتون مسافر فلائٹ نمبر پی کے 797 سے ٹورنٹو جا رہی تھی خاتون مسافر کے پاسپورٹ پرکینیڈا کا جعلی ویزہ لگا ہوا تھا۔
ترجمان کا کہنا ہے کہ خاتون مسافر نے ویزہ 30 لاکھ کے عوض ایجنٹ سے حاصل کیا ہے۔ خاتون کو حراست میں لے کر تفتیش شروع کر دی گئی ہے۔
واضح رہے کہ ایف آئی اے امیگریشن نے جعل سازی کرنے والے مسافروں کے خلاف اقدامات سخت کر دیے ہیں اور غیرقانونی طور پر بیرون ملک بھیجنے والے ایجنٹوں کے خلاف کارروائیاں تیز کر رکھی ہیں۔
Comments
- Advertisement -