The news is by your side.

Advertisement

نواب شاہ،مٹیاری میں میاں بیوی کا بہیمانہ قتل

نواب شاہ: سندھ کے ضلع ڈسٹرکٹ نواب شاہ کے علاقے مٹیاری میں بلوچستان سے آئے ہوئے مزدور میاں بیوی کو کلہاڑٰی کے وار کرکے قتل کردیا گیا۔

تفصیلات کے مطابق مٹیاری کے نواحی گاوں جام شاخ کھوسو میں مزدوری کیلیئے بلوچستان سے آئے ہوئے میاں بیوی رندعلی اور اسکی زوجہ بانھی رند بلوچ کو نامعلوم ملزمان نے کلہاڑیوں سے حملہ کردیا جس کہ باعث رند علی بلوچ موقع پر ہلاک ہو گیا جب کہ اس کی بیوی کو فوری طبی امداد کے لیے سول اسپتال حیدر آباد منتقل کردیا گیا۔

اسپتال ذرائع کے مطابق مٹیاری سے زخمی حالت میں لائی گئی خاتون کو طبی امدا دی جا رہی تھی کہ خون زیادہ بہہ جانے کے باعث وہ جانبر نہ ہوسکی، خاتون کو کلہاڑی کے گہرے زخم لگے تھے جس کے باعث خون کافی مقدار میں بہہ گیا تھا۔

میاں بیوی کے قتل کی تحقیقات کرنے والے تھانہ شاہ پور درپور کے پولیس آفیسر نے اے آروائی کے مقامی رپورٹر کو بتایا کہ قتل کی ابتدائی تحقیقات جاری ہیں اس لیے کچھ بھی کہنا قبل از وقت ہو گا تا ہم اس بات کا گمان ہے کہ میاں بیوی کا قتل ذاتی جھگڑے کے باعث ہوا ہو، پولیس مقتولین کے ہمسائے سے پوچھ گچھ کر رہی ہے اور لواحقین کی تلاش بھی شروع کردی گئی ہے جس کے بعد حتمی طور پر کچھ کہا جا سکتا ہے۔

Print Friendly, PDF & Email

Comments

comments

یہ بھی پڑھیں