The news is by your side.

Advertisement

اماراتی عدالت نے شوہر کو قتل کی دھمکیاں دینے والی خاتون کو ٹرائل پر بھیج دیا

ابو ظبی : اماراتی محمکہ انصاف نے شوہر کو دھمکانے اور اس کے اہل خانہ کی تصاویر سوشل میڈیا پر اپلوڈ کرنے والی خاتون کو سخت سزا دینے کا مطالبہ کردیا۔

تفصیلات کے مطابق متحدہ عرب امارات کی عدالت نے مبینہ طور پر اپنے شوہر کے اہل خانہ کی تصاویر سماجی رابطوں کی ویب سائٹس پر اپلوڈ کرنے اور قتل کی دھمکیاں دینے والی فلپائنی خاتون کو ٹرائل پر بھیج دیا۔

اماراتی خبر رساں ادارے کا کہنا ہے کہ 34 سالہ فلپائنی خاتون کو قتل کی دھمکیاں دینے، زبانی ہراساں کرنے اور بغیر دوسرے کی تصاویر نام کے ساتھ سوشل میڈیا پر شیئر کرنے کے مقدمات کا سامنا کرنا ہے۔

پبلک پراسیکیوٹر نے عدالت نے اپیل کی ہے کہ مذکورہ خاتون کو اماراتی قوانین کے مطابق سخت سزا سنائی جائے۔

پبلک پراسیکیورٹی کی دستاویزات کے مطابق خاتون اپنے شوہر کو واٹس ایپ، میسنجر اور اسنیپ چیٹ کے ذریعے ہراسگی کے پیغامات بھیجتی تھی۔

متاثرہ یمنی شخص نے عدالت کو بتایا کہ میرے دوست نے سوشل میڈیا پر میرے نام سے ایک اکاؤنٹ دیکھا جس پر میرے اہکل خانہ کی تصاویر شائع تھیں، جس کے بعد میں سماجی رابطے کی تمام سائٹس پر میرے نام سے بنائے گئے اکاؤٹنس چیک کیے جو میری ملزمہ نے بنائے تھے۔

پبلک پراسیکیورٹ نے عدالت بتایا کہ ملزمہ نے دوران تفتیش شکایت کنندہ کے نام سے سوشل میڈیا پر اکاؤنٹس بنانے اور اس پر بغیر اجازت والد والدہ اور دوسری اہلیہ کی تصاویر شائع کرنے کا اعتراف کیا۔

اماراتی خبر رساں ادارے کا کہنا تھا کہ پولیس نے فپلائنی خاتون کو گزشتہ برس 16 دسمبر کو گرفتار کیا تھا۔

Comments

comments

یہ بھی پڑھیں