نیپال کے نیشنل پارک میں چیتے نے 25 سالہ خاتون کو مار ڈالا tiger kills woman
The news is by your side.

Advertisement

نیپال میں شیر نے خاتون کو مار ڈالا

کھٹمنڈو: نیپال کے نیشنل پارک میں شیر نے 25 سالہ خاتون کو مار ڈالا۔

غیرملکی خبررساں ادارے کے مطابق 25 سالہ خاتون اور ان کے دوست چتوان نیشنل پارک میں اپنے مویشیوں کے لیے چارہ لینے گئے تھے کہ شیر نے خاتون پر حملہ کرکے انہیں مار ڈالا۔

نیشنل پارک انتظامیہ کے مطابق شیر خاتون کو دوسرے جانوروں سے 100 میٹر دور لے گیا، شیر سے خاتون کو چھڑانے کے لیے انجیکشن بھی مارے گئے تاہم خاتون دم توڑ چکی تھی۔

انتظامیہ کے مطابق نیپال میں اس طرح کے حملے کم ہی ہوتے ہیں لیکن قریب رہائش پذیر لوگوں کی حفاظت کے لیے اقدامات کا آغاز کردیا گیا ہے۔

نیپال 198 خطرناک جنگلی شیروں کا گھر ہے جو بھارت کی سرحد کے ساتھ ملک کے جنوبی میدانوں میں محفوظ علاقوں میں ہوتے ہیں۔

نیپال میں رواں سال خطرناک جانوروں کے حوالے سے مردم شماری بھی کی گئی تھی تاہم اس کا نتیجہ اب تک سامنے نہیں آسکا ہے۔

مزید پڑھیں: افریقی سفاری پارک میں چیتا 3 سالہ بچے کو کھا گیا

واضح رہے کہ دو ماہ قبل افریقی ملک یوگنڈا کے نیشنل سفارک پارک میں ایک چیتا قریب رہائشی تین سالہ بچے کو اٹھا کر اپنے ساتھ لے گیا تھا اور اسے کھا گیا تھا۔

پارک انتظامیہ کا کہنا تھا کہ بچہ پارک میں تعینات ایک رینجر کا بیٹا تھا جو اپنی دادی کے ساتھ پارک کے قریب ہی بنے رہائشی حصے میں رہتا تھا۔

ان کے مطابق بچہ رات کے وقت اپنی دادی کے پیچھے نکلا تھا جو اس کی موجودگی سے بے خبر تھیں۔ اسی دوران چیتے نے جھپٹا مار کر اسے پکڑا اور جھاڑیوں میں لے گیا۔ بچے کی باقیات اگلے دن جھاڑیوں سے ملی تھیں۔

Comments

comments

یہ بھی پڑھیں