The news is by your side.

Advertisement

ایشیا کپ بھارتی ٹیم کے بغیر ہوگا؟

لاہور: پاکستان میں شیڈول ایشیا کپ میں بھارتی ٹیم کی شرکت کے حوالے سے غیر یقینی کی صورتحال برقرار ہے تاہم جون میں اس متعلق حتمی فیصلہ آنے کا امکان ہے۔

بھارتی میڈیا کے مطابق بی سی سی آئی نے رواں سال کے ایونٹس میں ایشیا کپ کو شامل کر رکھا ہے لیکن سرحدوں پر کشیدگی اور سیکورٹی خدشات پر ٹیم کو پاکستان بھیجنے کے امکانات معدوم دیکھائی دیتے ہیں۔

رواں سال جون میں ایشیا کپ کے حوالے سے بی سی سی آئی کا اہم اجلاس منعقد ہوگا جس میں پاکستان ٹیم بھیجنے یا نہ بھیجنے کے حوالے سے حتمی فیصلہ کیا جائے گا۔

دسمبر 2018 میں ہونے والے اے سی سی اجلاس میں ایشیا کپ کی میزبانی پاکستان کے حصے میں آئی تھی اور گزشتہ سال اکتوبر میں ہونے والی میٹنگ میں بھی اس فیصلے کی توثیق کی گئی تھی۔

پاکستان میں آخری بار ایشیا کپ 2008 میں منعقد ہوا تھا اور 2009 میں سری لنکن ٹیم پر حملہ کے بعد سے کوئی کثیر ملکی ٹورنامنٹ کا انعقاد نہیں ہو سکا۔

fb-share-icon0
Tweet 20

Comments

comments

یہ بھی پڑھیں