کراچی : چیئرمین پاکستان کرکٹ بورڈ رمیز راجہ کا کہنا کے کہ آئی سی سی پر بھروسہ نہیں کر سکتے ، پی سی بی کو مالی طور پر مضبوط بنائیں گے۔
تفصیلات کے مطابق چیئرمین پاکستان کرکٹ بورڈ رمیز راجہ نے پاکستان اسٹاک ایکسچینج کا دورہ کیا، ایم ڈی اسٹاک ایکسچینج فرخ ایچ خان نے ان کا استقبال کیا، اس موقع پر چیئرپرسن پاکستان اسٹاک ایکسچینج شمشاد اختر بھی موجود تھے۔
چیئرمین پاکستان کرکٹ بورڈ رمیز راجہ نے کہا کہ اسٹاک ایکسچینج آنا بالکل ایک نیا تجربہ ہے، یہاں آنے کا مقصد کرکٹ کی ایکانومی کو مضبوط کرنا ہے ، ہم اس وقت آئی سی سی پر زیادہ انحصار کرتے ہیں۔
Gong ceremony at Pakistan Stock Exchange: Chairman PCB Ramiz Raja struck the gong to open trading for Tuesday, October 5.
The Chairman also met the PSX Board members and Capital Market representatives. pic.twitter.com/zfpml95ySX— Pakistan Cricket (@TheRealPCB) October 5, 2021
رمیز راجہ کا کہنا تھا کہ آئی سی سی پر بھروسہ نہیں کر سکتے ، پی سی بی کو مالی طور پر مضبوط بنائیں گے ، اچھی کرکٹ کے لیے مضبوط فنانشل سسٹم ضروری ہے، دیگرممالک کے کرکٹ بورڈ زمیں بہت سرمایہ کاری ہوتی ہے۔
انھوں نے کہا کہ ہم اپنےگراؤنڈز کو بنانے کے لیے پیسہ خرچ کریں گے، ہماری ورلڈ کپ کی تیاری جاری ہے ، کوشش ہے کہ ورلڈ کپ میں اچھی ٹیم لائیں۔
چیئرمین پی سی بی کا کہنا تھا کہ گراس روٹ پرجوکام ہوناچاہیےتھاوہ نہیں ہوا، کلب کرکٹ ہماری بہت پیچھےرہ گئی ہے، میری کوشش ہےکہ کرکٹ پربات ہو۔
رمیز راجہ نے مزید کہا کہ کارکردگی اچھی ہوگی توہی اسپانسرکہ توجہ مبذول ہوگی، کاروباری افرادچاہیں توکرکٹ اکانومی بہترہوسکتی ہے، قومی کرکٹ ٹیم کونمبرون بنانے کے لیے کام کرتےرہیں گے۔
ان کا کہنا تھا کہ مقامی کاروباری افرادکی کرکٹ سے متعلق معاونت زیادہ نہیں، انگلینڈ اور نیوزی لینڈ کے جانے سے دو باتوں کا اندازہ ہوا، اگر ٹیم بہترین ہوگی تو کوئی ٹیم واپس نہیں جائےگی۔
چیئرمین پی سی بی نے کہا کہ ہم چاہتے ہیں بزنس کمیونٹی بتائےہم کس طرح اوپر جاسکتے ہیں ، جب تک میں ہوں صرف کرکٹ پر بات ہوگی۔
ان کا مزید کہنا تھا کہ ہمیں ملک کےدوردراز علاقوں میں ٹیلنٹ ڈھونڈنےکی ضرورت ہے، ہمیں لاڑکانہ سےداہانی جیساسپراسٹارملاہے، اسکول کرکٹ پرخاص توجہ دےجارہی ہے، اسکول کرکٹ سے متعلق کچھ دنوں میں اچھی خبر ملے گی۔
