اسلام آباد : چیئرمین تحریک انصاف عمران خان نے آڈیو لیکس پر عدالت جانے کا عندیہ دیتے ہوئے کہا جے آئی ٹی تشکیل دی جانی چاہیے، تاکہ تحقیقات کی جاسکیں کہ کون ملوث ہے؟
تفصیلات کے مطابق چیئرمین تحریک انصاف عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ آڈیولیکس قومی سلامتی کی سنگین خلاف ورزی ہیں اور وزیراعظم آفس،وزیراعظم ہاؤس کی پوری سیکیورٹی پر سوالیہ نشان ہے۔
عمران خان کا کہنا تھا کہ بحیثیت وزیراعظم میری رہائشگاہ کی محفوظ لائن کو بھی بگ کیا گیا، ہم لیکس کی صداقت کو ثابت کرنے کیلئے عدالت جانے کا ارادہ رکھتے ہیں۔
The AudioLeaks are a serious breach of national security as they call into question the entire security of the PMO, PMH. As PM my secure line at my residence was also bugged. We intend to go to Court to estab authenticity of Leaks & then form JIT to investigate which Intel agency
— Imran Khan (@ImranKhanPTI) October 10, 2022
چیئرمین پی ٹی آئی نے ایک اور ٹوئٹ میں لکھا ” جے آئی ٹی تشکیل دی جانی چاہیے، تاکہ تحقیقات کی جاسکیں کہ کون ملوث ہے؟ یہ انتہائی تشویشناک ہے، سیکیورٹی کے معاملات غیر قانونی طور پر ریکارڈ کیے گئے۔
ان کا کہنا تھا کہ پاکستان کی قومی سلامتی کی رازداری کو عالمی سطح پربےنقاب کیا گیا، اس پر بھی جے آئی ٹی تشکیل دی جائےکہ آڈیوز کون لیک کررہا ہے، قومی سلامتی کی رازداری کو دنیا کے سامنےعیاں کردیا گیا۔
is responsible for the bugging & who is leaking out the audios many of which are edited/doctored. This is critical bec sensitive security issues are & have been illegally recorded & subsequently hacked, implying confidentiality of Pak’s national security has been exposed globally
— Imran Khan (@ImranKhanPTI) October 10, 2022
