نیشنل کمانڈ اینڈ آپریشن سینٹر این سی او سی کے سربراہ و وفاقی وزیر اسدعمر نے دوٹوک اعلان کیا ہے کہ اب ملک میں مکمل لاک ڈاؤن نہیں ہو گا۔
لاہور میں گفتگو کرتے ہوئے اسدعمر نے کہا کہ وزیراعظم کی اسمارٹ لاک ڈاؤن پالیسی کامیاب رہی جس کو دنیا نےسراہا، کورونا پھیلاؤ والےعلاقوں میں اسمارٹ لاک ڈاؤن جاری رکھیں گے۔
انہوں نے کہا کہ کوروناوائرس کے پھیلاؤ کو بڑی حدتک روکنےمیں کامیاب ہوگئےہیں اب ملک میں مکمل لاک ڈاؤن نہیں ہوگا۔
وفاقی وزیر نے بتایا کہ سی پیک کےتحت سرمایہ کاری کامجموعی تخمینہ 53 ارب ڈالرہے جس میں 13ارب ڈالر کے منصوبے مکمل ہو چکےہیں اور 12ارب ڈالر کےمنصوبےتکمیل کےقریب ہیں۔
اسدعمر کا کہنا تھا کہ 25ارب ڈالرسرمایہ کاری کےبعد مزید 28 ارب ڈالر کےمنصوبے ہیں سی پیک منصوبوں کی تکمیل سےپاکستان کی معیشت میں انقلاب آئے گا چینی سرمایہ کاری سےپاکستان میں موبائل فون مینوفیکچرنگ شروع ہوچکی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں