The news is by your side.

ولیمسن کی کھلے دل سے آسٹریلیا کی تعریفیں

نیوزی لینڈ کے کپتان کین ولیمسن نے پہلی بار ٹی ٹوئنٹی چیمپئن بننے والی آسٹریلوی ٹیم کے لیے تعریفوں کے ‏پلُ باندھ دیے۔

فائنل میں شکست کے بعد دھیمے مزاج کیوی کپتان نے بڑے دل کا مظاہرہ کرتے ہوئے فاتح ٹیم کی کھلے دل سے تعریف کی، ‏انہوں نے کہا کہ آسٹریلیا کی عالمی کپ کی مہم زبردست رہی، ہدف کا تعاقب بھی شاندار کیا، آسٹریلیا بہترین ٹیم ‏ہے۔

ولیمسن نے کہا کہ پچ کو دیکھتے ہوئے اننگز میں پارٹنرشپس قائم کر کے اچھا ٹوٹل بنانے کی کوشش کی ہم نے ‏اننگز میں پوری محنت کی کہ اچھا ہدف دیں اور ہم اپنے ٹارگٹ سے دور بھی نہیں تھے لیکن آسٹریلوی ٹیم کو پورا ‏کریڈٹ جاتا ہے جنہوں نے ایک پل بھی ہمیں نہیں دیا۔

کیوی کپتان کا کہنا تھا کہ فائنل میں اپنابہترین کھیل نہیں دکھاسکے ہماری ٹیم نےاپنی طرف سےپوری کوشش کی، ‏کھلاڑیوں نے زبردست کھیلا کچھ بڑی امیدیں تھیں لیکن نتائج توقعات کے مطابق نہیں تھے۔ ‏

Comments

یہ بھی پڑھیں