site
stats
پاکستان

کراچی میں تیز اور گرد آلود ہوائیں، آئندہ 2روز میں سردی میں اضافے کا امکان

کراچی: شہر قائد میں گرد آلود ہوا چلنے کا سلسلہ جاری ہے، محکمہ موسمیات کے مطابق کراچی میں موسم جزوی طور پر ابرآلود رہے گا، 37 کلو میٹر فی گھنٹہ کی رفتار سےہوا چل رہی ہے جبکہ بارش کا امکان نہیں۔

تفصیلات کے مطابق ہفتے کی صبح سے کراچی میں تیز اور گرد آلود ہواوں کا سلسلہ جاری ہے، جس کے باعث حد نگاہ بھی کم ہو ہوگئی ہے جبکہ تیز ہواؤں سے مختلف مقامات پر درخت گرنے کے واقعات رونما ہوئے ہیں۔

محکمہ موسمیات کا کہنا ہے کہ کراچی میں 30کلو میٹر فی گھنٹہ کی رفتار سےہوا چل رہی ہے، موسم جزوی طورپرابرآلود رہے گا اور بارش کا کوئی امکان نہیں۔

کراچی میں کم سے کم درجہ حرارت 15ڈگری سینٹی گریڈ ریکارڈ کیا گیا۔

رات گئے شہر قائد کے مختلف علاقوں میں‌ بارش سے موسم ٹھنڈا اور خوشگوار ہوگیا ہے، محکمہ موسمیات کے مطابق سردی میں آئندہ دو روز میں مزید اضافے کا امکان ہے۔

محکمہ موسمیات نے آئندہ چوبیس گھنٹوں کے دوران،لاہور ،اسلام آباد اور پشاور میں کہیں کہیں بارش کی پیشگوئی کی ہے ، کوئٹہ ،گلگت ،ہنزہ اور چترال میں پہاڑوں پر مزید برفباری کاامکان ہے۔

سندھ کے میدانی و بالائی علاقوں میں رات اور صبح کے اوقات میں دھند پڑنے کا بھی امکان ہے جبکہ محکمہ موسمیات نے خیبرپختونخوا، فاٹا، گلگت بلتستان، کشمیر کے پہاڑی علاقوں میں لینڈسلائیڈنگ کا خدشہ ظاہر کیا ہے۔

گزشتہ روز سب کم درجہ حرارت پاراچنار میں منفی چھ ڈگری سینٹی گریڈرہا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top