مون سون کا موسم لوگوں کیلئے کافی خوفناک بھی ثابت ہوسکتا ہے، سیلاب اور بادل پھٹنے کے علاوہ گرج چمک کے دوران بجلی گرنے پر بھی خوفناک تباہی مچ سکتی ہے۔
امریکی ریاست ٹیکساس میں گزشتہ روز آسمانی بجلی کڑکنے سے جہاں انوکھے نظارے دیکھنے کو ملے وہیں کئی مقامات کو نقصان بھی پہنچا۔
مقامی لوگوں کو اس وقت شدید خوف و ہراس کا سامنا کرنا پڑا جب ایک وِنڈ ٹربائن بھی اس بجلی کی زد میں آگئی اور اس کے پنکھے میں زور دار آگ بھڑک اٹھی۔
This is near Cromwell, OK. Brent Havins shot this video of a wind turbine that got struck by lightning. pic.twitter.com/jBjUNas0yc
— Mike Collier (@MikeCollierWX) July 22, 2022
ہوا میں گھومتے ہوئے جلتے ٹربائن کے بلیڈ کی چونکا دینے والی ویڈیوز اب سوشل میڈیا پر بھی وائرل ہوگئی ہیں جو بجلی گرنے کے بعد شعلوں کی لپیٹ میں آگئی تھی۔
ویڈیو میں دیکھا جاسکتا ہے کہ شمالی ٹیکساس کے علاقے کروول کے قریب ایک بہت بڑی ٹربائن میں آگ لگنے کے بعد ہوا میں دھوئیں کے سرمئی حلقے اٹھ رہے ہیں۔
🔥🔥🔥 pic.twitter.com/hKDdxrp6TK
— Chris Lopez – MFFL 🏀 (@MavsManiaac84) July 22, 2022
لگ بھگ ایک ملین پونڈ کی290فٹ اونچی اس ونڈ ٹربائن میں لگی آگ اور سیاہ دھواں دور دور تک دیکھا گیا اور لوگ خوفزدہ دکھائی دئیے۔
غیر ملکی خبر رساں ادارے کی رپورٹ کے مطابق انتظامیہ نے فائربریگیڈ ڈپارٹمنٹ کے رضاکاروں کو دوپہر کے کھانے کے دوران جائے وقوعہ پر بلایا اور فیس بک پر اس واقعے کی ویڈیو بھی شیئر کی۔
The start of it, then it just disintegrated pic.twitter.com/8IH70eCM7p
— Chris Lopez – MFFL 🏀 (@MavsManiaac84) July 22, 2022
فائر چیف نے میڈیا کو بتایا کہ ہم اس قسم کی آگ کو سنبھالنے کے لیے پوری طرح تیار نہیں ہیں، ایک سوال کا جواب دیتے ہوئے کہ جائے وقوعہ پر بڑے سیاہ دھوئیں کی وجہ کیا ہوسکتی ہے؟
فائر چیف نے اندازاً بتایا کہ گیئر باکس میں 800 گیلن تیل اور زمینی سطح کے ٹرانسفارمر میں تقریباً 1,300گیلن معدنی تیل موجود ہوتا ہے، جس کی وجہ سے بڑے پیمانے پر تباہی مچ سکتی تھی۔
فائر فائٹرز نے کہا کہ انہوں نے ونڈ ٹربائن میں لگی آگ کو خود بجھنے دیا، ہم نے ونڈ فارم کمپنی کے ساتھ تربیت حاصل کی ہے، اور اس صورتحال کے دوران ونڈ ٹربائن کے پاس جانا کسی طرح بھی محفوظ نہیں ہے۔
رپورٹ میں مزید کہا گیا ہے کہ فورڈ سٹی ونڈ میں آگ لگنے والے واقعے میں صرف ایک ٹربائن متاثر ہوئی تاہم خوش قسمتی سے حادثے میں کوئی زخمی نہیں ہوا۔
