The news is by your side.

Advertisement

ونڈوز 365 : مائیکروسافٹ کی منفرد سہولت

نیویارک: ٹیکنالوجی کی معروف کمپنی مائیکروسافٹ نے صارفین کے لیے نئی ونڈوز متعارف کرادی، جو بہت منفرد ہے۔

مائیکروسافٹ نے بدھ کے روز ’ونڈوز 365‘ کے نام سے ایک نئی سروس متعارف کرائی، جس میں آن لائن ڈیٹا اسٹوریج کی سہولت بھی دی گئی ہے۔ اس حوالے سے کمپنی نے تفصیلی بلاگ بھی جاری کیا ہے۔

مائیکروسافٹ کے مطابق ونڈوز 365 کو کسی بھی کمپیوٹر اور لیپ ٹاپ میں انسٹال کیا جائے گا تو کلاؤڈ سروس بھی فراہم کی جائے گی، جس کے بعد صارف کسی بھی جگہ بیٹھ کر اپنا ڈیٹا استعمال کرسکے گا۔

مائیکروسافٹ کی کلاؤڈ سروس دراصل آن لائن ڈیٹا اسٹور ہے، جس کو ایک اکاؤنٹ بنا کر استعمال کیا جاسکتا ہے اور جب اس آئی ڈی کو دوسرے ونڈوز آپریٹننگ سسٹم پر لاگ ان کیا جائے گا تو ڈیٹا خود بہ خود ظاہر ہوجائے گا۔

کلاؤڈ سروس کو صارف کلاؤڈ پی سی بھی کہہ سکتے ہیں کیونکہ یہ سروس ایک آن لائن ورچوئل مشین ہے جو آپ کو ونڈوز 10 (بتدریج ونڈوز 11) انسٹالیشن کسی بھی ڈیوائس میں ڈیٹا فراہمی کی سہولت فراہم کرے گی۔

مزید پڑھیں: ونڈوز 11 متعارف، کس کمپیوٹر پر چلے گی اور نیا ورژن کیسے حاصل کیا جاسکتا ہے؟

حیران کن طور پر اس سروس کو میک، آئی پیڈ یا اینڈرائیڈ ٹیبلیٹ استعمال کیا جاسکے گا۔

سروس حاصل کرنے کا طریقہ

اس سروس کو حاصل کرنے کے خواہش مند افراد ونڈوز 365 ڈاٹ کام پر جائیں اور اسے انسٹال کرلیں۔ (اس سروس کے استعمال کی فیس کا اعلان یکم اگست کو کیا جائے گا)۔

سروس کی خصوصیت

مائیکروسافٹ کے مطابق کلاؤڈ سروس سے دفتری ملازمین، کاروباری افراد اور طالب علموں کو مدد ملے گی کیونکہ وہ کسی بھی جگہ کمپیوٹر اور اپنے ڈیٹا تک آسانی کے ساتھ فوری رسائی حاصل کرسکیں گے۔

Comments

یہ بھی پڑھیں