The news is by your side.

Advertisement

سخت سردی کا علاج، ہیٹر لگے الیکٹرک کمبل

کڑاکے کی سردی ہے اور ایک عام کمبل کے ذریعے گزارا  ممکن نہیں تو اب پریشان نہ ہوں کیونکہ ہیٹر لگے کمبل آپ کی پریشانی حل کردیں گے۔

یہ انسانی جبلت  میں شامل ہے کہ وہ اپنی مشکل کا حل تلاش کرلیتا ہے، ہماری دنیا کچھ سالوں سے موسمیاتی تبدیلیوں کے اثرات سے نبردآزما ہے، گرمیوں میں سخت گرمی، سردیوں میں سخت سردی اب معمولات کا حصہ ہوتے جارہے ہیں۔

جب عام کمبل یخ بستہ ہواؤں سے انسانوں کو بچانے میں ناکام رہے تو انہوں نے کمبل میں ہیٹر لگا کر اس کا علاج ڈھونڈ لیا ہے۔

ہیٹر لگے کمبل کے چاروں کناروں پر گرمی فراہم کرنے والی باریک تاریں لگائی گئی ہیں جنہیں ایک ڈیوائس کے ذریعے کنٹرول کیا جاتا ہے۔

ان کمبلوں کی بھی مختلف اقسام میں بعض میں چھوٹی سائز کی چپ لگائی گئی ہے جب کہ کچھ کمبل ایسے ڈیزائن کیے گئے ہیں جن میں ریموٹ کے ذریعے گرمی اندر آتی رہتی ہے۔

ان کمبلوں کے بارے میں کہا گیا ہے کہ انہیں ایک سے دو گھنٹے ہیٹر چلا کر اوڑھ لیں تو یہ چار سے پانچ گھنٹے تک جسم کو گرم رکھتے ہیں، تاہم سونے سے قبل اسے بند کرنا نہ بھولیں اور اس کا ریموٹ بھی بستر سے دور رکھیں۔

اگر آپ کے لیے سردی ناقابل برداشت ہے تو نہ گھبرائیں، ابھی بازار جائیں اور اپنی پسند کا ہیٹر لگا الیکٹرک کمبل لے آئیں۔

Comments

یہ بھی پڑھیں