ملک کے بیشتر شہروں میں سردی کی آمد، ٹھنڈی یخ بستہ ہواؤں نے ڈیرہ جمالیا -
The news is by your side.

Advertisement

ملک کے بیشتر شہروں میں سردی کی آمد، ٹھنڈی یخ بستہ ہواؤں نے ڈیرہ جمالیا

لاہور / پشاور / کوئٹہ : ملک کے بیشتر شہروں میں سردی قدم جما رہی ہے، سرد ہوائیں چلنے لگیں، پہناوے بھی بدل گئے، بارش کے بعد ٹھنڈی ہواؤں نے ڈیرے ڈال دیئے۔

تفصیلات کے مطابق ملک کے مختلف شہروں میں ٹھنڈی یخ بستہ ہو اؤں نے ڈیرہ جمالیا، سردی نے لوگوں پر کپکپی طاری کردی، میدانی علاقوں میں خنک ہواؤں کا زور ہے اور بالائی علاقے شدید سردی کی لپیٹ میں ہیں۔

محکمہ موسمیات نے سردی کی شدت میں اضافے کی پیشن گوئی کی ہے۔ ماہ نومبر کی آمد کے ساتھ ہی سردی بھی چلی آئی، لاہور میں جاڑے نے انٹری دے دی، بارش کے بعد ٹھنڈی ہواؤں نے ڈیرے ڈال دیئے، موسم کی کروٹ سے پھول پتے بھی خوش دکھائی دیئے۔

صادق آباد میں سردی بڑھی تو شہری گرم پکڑے لینے بازار پہنچ گئے، اس کے علاوہ یخ بستہ ہواؤں نے کوئٹہ کا رخ کرلیا، پارہ منفی ڈگری میں چلاگیا۔

محکمہ موسمیات کے مطابق آئندہ دنوں میں مزید سرد موسم کا امکان ہے، شمال مشرقی سرد ہواؤں کے باعث کل سے سردی کی شدت میں مزید اضافے کا امکان ہے اور درجہ حرارت مزید دو سے تین ڈگری سینٹی گریڈ کم ہوگا، پشاور کو بھی سردی نے لپیٹ میں لے لیا۔

مزید پڑھیں: سردیوں کے پھل نارنگی میں چھپے بے شمار فوائد

سردی سے بچاﺅ کیلئے سوپ،چائے ،قہوے اور دیسی انگیٹھیوں کا استعمال بڑھ گیاہے۔ کالام اور چترال میں موسم ابر آلود ہے، چمن ،زیارت، پشین ،ژوب اور لورالائی میں بھی سردی کی شدت میں بتدریج اضافہ ہو رہا ہے۔

Comments

comments

یہ بھی پڑھیں