پشاور: پاکستان کے مایہ ناز کھلاڑی محمد رضوان کو 2021 کے لیے وزڈن لیڈنگ T20 کرکٹر قرار دے دیا گیا۔
تفصیلات کے مطابق پاکستان کے وکٹ کیپر بیٹسمین محمد رضوان کو وِزڈن اَل مَناک کے تازہ ایڈیشن میں دنیا کا سر فہرست ٹی ٹوئنٹی کرکٹر قرار دے دیا گیا ہے۔
محمد رضوان کے لیے اس حوالے سے 2021 یادگار سال بن گیا ہے کہ وہ آئی سی سی ٹی ٹوینٹی کرکٹر آف دی ایئر کے بعد وزڈن لیڈنگ ٹی ٹوینٹی کرکٹر 2021 کا اعزاز بھی لے اُڑے۔
وکٹ کیپر بیٹر نے گزشتہ برس 29 میچوں میں 73 اعشاریہ 6 کی ایوریج سے ایک ہزار 326 رنز بنائے۔
ٹی 20 جیسی کرکٹ میں جس میں بیٹنگ میں بہت زیادہ اتار چڑھاؤ کا سامنا رہتا ہے، یا تو بوم بوم چھکے چوکے ہوتے ہیں یا پھر بیٹ گھماتے ہی کھلاڑی آؤٹ، لیکن اس کرکٹ میں پاکستان کے محمد رضوان جیسا مسلسل رَن اِسکورنگ کا سال کسی کے پاس نہیں ہے۔
قومی ٹیم کے اہم دورے کا شیڈول جاری
انگلینڈ کے جو روٹ وزڈن کے لیڈنگ مینز کرکٹر آف دی ایئر قرار پائے ہیں، جب کہ جنوبی افریقا کی لیزل لی نے لیڈنگ ویمن کرکٹر آف دی ایئر کا اعزاز حاصل کیا۔
دوسری طرف جسپریت بمرا، ڈیون کانواے، اولی رابنسن، روہت شرما اور ڈین وین نکرک کو وزڈن فائیو کرکٹرز آف دی ایئر قرار دیا گیا ہے۔
