The news is by your side.

Advertisement

پاکستان میں کورونا وائرس سےپہلا مریض انتقال کر گیا

معاون خصوصی برائے صحت ڈاکٹرظفر مرزا نے ملک میں کورونا وائرس سے پہلی موت کی تصدیق کرتے ہوئے بتایا ہے کہ مردان کا 50 سالہ شخص کورونا وائرس سے چل بسا۔

سماجی رابطے کی ویب سائٹ ٹوئٹر پر جاری بیان میں ڈاکٹر ظفر مرزا نے کہا کہ پاکستان میں کورونا وائرس کا پہلا مریض دم توڑ گیا، 50 سالہ شخص عمرہ کی ادائیگی کے بعد سعودی عرب سے مردان لوٹا تھا۔

ڈاکٹر ظفر مرزا نے متاثرہ خاندان سے اظہار تعزیت کرتے ہوئے کہا ہے کہ جاں بحق شخص سے رابطےمیں رہنے والے افراد کی اسکریننگ کر رہے ہیں۔

دوسری جانب معاون خصوصی برائے اطلاعات فردوس عاشق اعوان نے بھی کورونا سے ہونے والی موت کی تصدیق کرتے ہوئے کہا ہے کہ سعادت خان 9 مارچ کو سعودی عرب سےپاکستان آیا تھا اور 17مارچ کو اس کا کورونا ٹیسٹ مثبت آیاتھا۔

fb-share-icon0
Tweet 20

Comments

comments

یہ بھی پڑھیں