The news is by your side.

Advertisement

بیٹری کے بغیر چلنے والا موبائل ایجاد

واشنگٹن: امریکی ماہرین نے موبائل فون صارفین کی مشکلات کو مدنظر رکھتے ہوئے ایسا اسمارٹ فون ایجاد کرلیا جو بغیر بیٹری کے چلنے کی صلاحیت رکھتا ہے۔

امریکی میڈیا رپورٹ کے مطابق یونیورسٹی آف واشنگٹن میں ماہرین کی ٹیم نے صارفین کی شکایات کو دیکھتے ہوئے ایسا فون ایجاد کرلیا کہ جس کی خواہش صارفین کو عرصہ دراز سے تھی۔

اسمارٹ فون استعمال کرنے والے افراد اس بات سے بخوبی واقف ہیں کہ فون کی بیٹری اپیلیکشن استعمال کرتے ہوئے کتنی تیزی کے ساتھ ختم ہوتی ہے پھر ایسا وقت آتا ہے کہ موبائل فون بند ہوجاتا ہے جس کی وجہ سے صارفین کو شدیدمشکلات کا سامنا کرنا پڑتا ہے۔

دنیا بھر میں اسمارٹ فون کا استعمال تیزی سے بڑھتا جارہا ہے جس کو دیکھتے ہوئے ایسا موبائل ایجاد کیا جو بغیر بیٹری کے چلنے کی صلاحیت رکھتا ہے، حیران کن بات یہ ہے کہ یہ اسمارٹ فون ہوا اوار ریڈیو کی لہروں سے توانائی حاصل کرتا ہے۔

پڑھیں: اسمارٹ فون کی بیٹریوں کی عمر کیسے بڑھائی جائے

امریکی ماہرین کا کہنا ہے کہ بغیر بیٹری کے چلنے والے موبائل فون میں ’’بیکس کیٹرنگ ٹیکنالوجی‘‘ کا استعمال کیا گیا۔ ماہرین کہتے ہیں کہ فضا میں پہلے سے ریڈیو سگنلز موجود ہوتے ہیں جن کو استعمال کرتے ہوئے معلومات کا تبادلہ کیا جاتا ہے تاہم اب  یہ سگنلز موبائل کی چارجنگ کے کام بھی آئیں گے۔

مزید پڑھیں: سیکنڈز میں چارج، ہفتہ بھر چلے، اسمارٹ فون کی سپر بیٹری ایجاد

اس فون کے فیچرز میں ابھی صرف ایل ای ڈی لائٹ اور سرکٹ بورڈ پر بٹنز شامل ہیں تاہم مزید بہتری اور  ڈسپلے کے بعد اسے مارکیٹ میں فروخت کے لیے پیش کیا جائےگا، ابھی صرف اس موبائل سے ایس ایم ایس اور کالز کی جاسکتی ہیں۔

یہ بھی پڑھیں: موبائل فون کی بیٹری جلد ختم کرنے والی وجوہات

Print Friendly, PDF & Email

Comments

comments

یہ بھی پڑھیں