The news is by your side.

Advertisement

بغیر ورزش اور ڈائٹنگ موٹاپے سے یقینی نجات

برمنگھم یونیورسٹی میں ہونے والی جدید طبی تحقیق سے یہ بات سامنے آئی ہے کہ  پانی کا استعمال موٹاپے سے نجات کے لیے فائدہ مند ثابت ہوتا ہے۔

اس حوالے سے برطانیہ میں ایک تحقیق کی گئی جس کے مطابق’’جو لوگ گھانے سے آدھا گھنٹا (30 منٹ) قبل پانی پیتے ہیں وہ تین سے چار ماہ میں اپنے وزن ڈھائی سے چار کلو تک کم کرسکتے ہیں‘‘۔

اس تحقیق کے دوران طبی ماہرین نے 84 افراد پر تجربات کیے، جن میں 54 خواتین اور 30 مرد شامل تھے۔

محققین نے 42 افراد کو کھانے سے قبل تقریبا 450 ملی لیٹر پانی پینے کے لیے جبکہ کچھ کو صبح ،دوپہر ، شام کھانے سے قبل پانی پلایا گیا او ربقیہ افراد کو کھانے سے قبل کچھ نہیں دیا گیا۔

اس کے نیتجے میں جن لوگوں کو کھانے سے قبل پانی دیا گیا، اُ ن کے وزن بغیر ورزش اور کھانے پینے کی احتیاط کے بغیر دیگر افراد کے مقابلے میں دیڑھ کلو  تک کم ہوئے ہیں۔

طبی ماہرین کے مطابق کھانے سے قبل پانی کے استعمال سے معدہ بھر جاتا ہے اور بھوک کی شدت میں کمی واقعہ ہوجاتی ہے، جس کے سبب انسان کی خوراک کم ہوجاتی ہے۔

کھانے  کے استعمال سے قبل پیا جانے والا پانی پیٹ میں جانے والی خوراک میں موجود کیلوریز کو  کنٹرول میں رکھتا ہے۔

مزید پڑھیں : بادام کھائیں موٹاپے سے نجات پائیں

اگر آپ موٹاپے سے تنگ ہیں اور اس سے چھٹکارا حاصل کرنا چاہتے ہیں تو خوراک میں احتیاط اور ورزش سے زیادہ کھانے سے قبل پانی پینے کی عادت کو اپنانا ہوگا۔
Print Friendly, PDF & Email

Comments

comments

یہ بھی پڑھیں