The news is by your side.

Advertisement

پہلی بیوی کی بغیر اجازت دوسری شادی پر سزا، عدالتی فیصلہ محفوظ

لاہور : شوہر کی جانب سے پہلی بیوی سے اجازت کے بغیر دوسری شادی کرنے کے حوالے سے عدالت نے اہم فیصلہ کرلیا۔

تفصیلات کے مطابق لاہور ہائی کورٹ نے پہلی بیوی کی اجازت کے بغیر دوسری شادی پر سزا کیخلاف اپیل پر فیصلہ محفوظ کرلیا۔

لاہور ہائی کورٹ میں جسٹس عالیہ نیلم نے غلام حسین کی اپیل پر سماعت کی، مذکورہ اپیل میں چھ ماہ قید اور پانچ لاکھ روپے جرمانہ کی سزا کو چیلنج کیا گیا ہے۔

درخواست میں مؤقف اختیار کیا گیا تھا کہ مجسٹریٹ کے پاس پہلی بیوی کی اجازت کے بغیر دوسری شادی کرنے پر سزا کا اختیار نہیں ہے۔

درخواست گزار کے مطابق مجسٹریٹ نے قانون کے برعکس سزا سناٸی ہے ۔ سیشن کورٹ میں فیصلے کے خلاف اپیل داٸر کی مگر وہ مسترد کر دی گٸی۔

عدالت سے استدعا کی گئی کہ ہاٸی کورٹ کے جوڈیشل مجسٹریٹ کی جانب سے دی گئی دوسری شادی پر قید اور جرمانے کی سزا کو کالعدم قرار دیا جائے۔

مزید پڑھیں : بیوی کی اجازت کے بغیر دوسری شادی کرنے پر شوہر کو11ماہ قید کی سزا

درخواست کی سماعت کے بعد لاہور ہائی کورٹ کی جسٹس عالیہ نیلم نے دوسری شادی پر سزا کیخلاف اپیل پر فیصلہ محفوظ کرلیا۔

Comments

یہ بھی پڑھیں