نائن زیرو سے گرفتارعبید کےٹو کو چشم دیدگواہ نے شناخت کر لیا -
The news is by your side.

Advertisement

نائن زیرو سے گرفتارعبید کےٹو کو چشم دیدگواہ نے شناخت کر لیا

کراچی : متحدہ مرکزنائن زیرو سے گرفتار عبید کے ٹو کو چشم دید گواہ نے شناخت کرلیا ہے، عینی شاہد نے انسداد دہشت گردی عدالت میں بیان ریکارڈ کرادیا ہے۔

تفصیلات کے مطابق انسدادِ دہشتگردی کراچی کی عدالت میں ایم کیو ایم مرکز نائن زیرو سے گرفتارٹارگٹ کلر عبید کے ٹو کی شناختی پریڈ ہوئی، چشم دید گواہ نے ملزم کو پہچان لیا جبکہ مقدمہ کے عینی شاہد نے بیان عدالت میں قلمبند کرایا۔

گواہ نے عدالت کو بتایا کہ ملزم کو گیارہ مارچ دو ہزار پندرہ کو نائن زیرو سے حراست میں لیا گیا، عبید کے ٹو کی نشاندہی پر اپوا کالج کے قریب گراونڈ سے زیرِ زمین دفن اسلحہ ملا، برآمد شدہ اسلحہ شہر میں ٹارگٹ کلنگ کی وارداتوں میں استعمال ہوا، عبید کے ٹو کے خلاف تھانہ گلبرک میں دھماکا خیز مواد رکھنے اور ڈپٹی سپرنیٹنڈنٹ جیل امان اللہ نیازی سمیت متعدد پولیس اہلکاروں اور شہریوں کے قتل کے مقدمات درج ہیں۔

واضح رہے کہ رواں سال فروری میں کراچی کی انسداد دہشت گردی عدالت میں ایم کیو ایم کے مرکز نائن زیرو سے گرفتار عبید کےٹو پر فرد جرم عائد کردی تھی جبکہ ملزم عبید کے ٹو نے صحت جرم سے انکار کیا تھا۔

سماعت کے دوران ملزم عبید کے ٹو نے صحت جرم سے انکار کیا۔

Comments

comments

یہ بھی پڑھیں