The news is by your side.

Advertisement

جب دوشیزہ نے ڈانس فلور پر بچے کو جنم دیا

پیرس : فرانسیسی دوشیزہ نے نائٹ کلب میں بچے کو جنم دے دیا، جس کے بعد کلب نے اسے تاحیات مفت داخلے کی پیش کش کردی۔

تفصیلات کے مطابق اپنی نوعیت کا یہ منفرد واقعہ فرانسیسی شہر ٹولوس کے ایک نائٹ کلب مقامی لڑکی کے ساتھ پیش آیا جب انہوں نے کلب کے عملے کی مدد سے کلب کے فرش پر ہی بچے کو جنم دے دیا۔

غیر ملکی خبر رساں ادارے کا کہنا تھا کہ نامعلوم 19 سالہ لڑکی کی زندگی کے دلچسپ اور یادگار ترین لمحات تھے، جب اس کے بچے نے ایک نائٹ کلب میں آنکھ کھولی۔

رپورٹس کے مطابق نوجوان لڑکی کلب میں تفریح کے غرض سے آئی تھی لیکن صورتحال اس وقت تبدیل ہوگئی جب دوشیزہ اچانک ڈانس فلور پر گر گئی اور پبلک کے درمیان ہی بچے کو جنم دے دیا۔

غیر ملکی خبر رساں ادارے کا کہنا تھا کہ مذکورہ لڑکی کو اس کے ایک دوست نے ٹولوس شہر کے اوک کلب میں مدعو کیا تھا۔ رپورٹ کے مطابق لڑکی کلب میں شراب نوشی سے پرہیز کررہی تھی۔

ڈیلی میل کی رپورٹ کے مطابق ماں اور بچہ دونوں تندرست ہیں جنہیں واقعے کے فوری بعد اسپتال منتقل کردیا گیا تھا تاہم ابھی تک بچے کی جنس معلوم نہیں ہوسکی ہے۔

اوک کلب کی مینیجر میری نے میڈیا کو بتایا کہ ہم نے واقعے کی اطلاع ملتے ہی ہنگامی خدمات انجام دینے والے عملے اور ایمبولینس کو مطلع کردیا تھا تاہم اس دوران بچے پیدائش ہوچکی تھی جس کے بعد کلب انتظامیہ زندگی بھر کےلیے لڑکی کی انٹری بلکل مفت کردی۔

fb-share-icon0
Tweet 20

Comments

comments

یہ بھی پڑھیں