نئی دہلی: بھارتی ریاست آندھرا پردیش میں 74 سالہ خاتون نے دو جڑواں بچوں کو جنم دیا ہے۔
بھارتی میڈیا رپورٹس کے مطابق بھارتی ریاست آندھرا پردیش میں 74 سالہ خاتون منگیاما نے دو جڑواں بچوں کو جنم دیا ہے، پیدا ہونے والی دونوں بچیاں صحت مند ہیں۔
رپورٹ کے خاتون کو چھوٹے بچوں سے لگاؤ تھا اور جب انہوں نے 55 سالہ پڑوسی خاتون کے ہاں ننھے مہمان کی آمد کی خبر سنی تو انہیں بھی بچوں کی خواہش ہوئی۔
خاتون نے کہا کہ وہ اپنے احساسات کو لفظوں میں بیان نہیں کرسکتی، دونوں بچیاں میری ہیں اور 6 سال کا ہمارا انتظار ختم ہوگیا ہے، اب کوئی مجھے بانچھ پن کا طعنہ نہیں دے گا۔
رپورٹ میں بتایا گیا ہے کہ خاتون کی ڈیلیوری ڈاکٹر ایس اوما شنکر کی سربراہی میں بھارت کے شہر گنتر میں ہوئی اور اے وی ایف کے ذریعے ہوئی ہے۔
مزید پڑھیں: سرگودھا میں خاتون کے ہاں بیک وقت 6 بچوں کی پیدائش
ڈاکٹر اوما شنکر کا کہنا ہے کہ منگیاما جب نومبر میں میرے پاس آئی تو میں حیران تھی لیکن میں نے اسے ایک چیلنج کے طور پر قبول کیا۔
واضح رہے کہ اس سے قبل دسمبر 2006 میں خاتون بوسادا دی لارا نے 66 سال 358 دن میں دو جڑواں بچوں کو جنم دیا تھا۔
دی لارا کے ہاں دونوں بچے آپریشن سے پیدا ہوئے تھے اور ان کا وزن 1.6 کلو گرام تھا۔
یاد رہے کہ بھارتی خاتون اومکاری پنور کے ہاں 2008 میں 70 سال کی عمر میں دو بچوں کو کی پیدائش ہوئی تھی لیکن ان کے پاس اس بات کا کوئی ریکارڈ موجود نہیں ہے۔
