تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

55 سالہ خاتون اغوا کے بعد قتل

نئی دہلی: بھارتی شہر ممبئی میں 55 سالہ خاتون کو اغوا کے بعد قتل کردیا گیا، پولیس کے مطابق واقعہ ڈکیتی کا نہیں لگتا۔

ممبئی پولیس کے مطابق 55 سالہ خاتون ایک بینک کے باہر کار میں اپنے شوہر کا انتظار کر رہی تھیں جہاں سے وہ اغوا کرلی گئیں اور بعد ازاں انہیں گولی مار کر قتل کردیا گیا۔

لاش سمیت گاڑی بعد ازاں ایک تعمیراتی سائٹ کے قریب پائی گئی۔ خاتون کے پاس موجود زیورات اور گاڑی میں موجود نقد رقم بحفاظت موجود ہے، پولیس کے مطابق ابتدائی طور پر یہ انتقامی کارروائی لگتی ہے۔

پولیس کا کہنا ہے کہ واقعہ گزشتہ روز دن کے سوا 2 بجے پیش آیا جب مقتولہ اپنے 62 سالہ شوہر کے ساتھ بینک پہنچیں، شوہر نے اپنی گاڑی باہر پارک کی اور بینک کے اندر چلا گیا۔

واپسی پر اس نے اپنی گاڑی اور بیوی دونوں کو غائب پایا، کچھ دیر ڈھونڈنے کے بعد اس نے اپنے بیٹے کو مطلع کیا جس نے وہاں پہنچ کر باپ کے ساتھ مل کر تلاش شروع کی۔

3 بجے کے قریب انہوں نے پولیس کو کال کردی۔ پولیس کو تھوڑی سی تلاش کے بعد بینک سے قریب ہی موجود ایک تعمیراتی سائٹ کے پاس گاڑی مل گئی جس میں لاش بھی موجود تھی۔

پولیس کے مطابق مقتولہ کے سینے اور پیٹھ پر زخم ہے، اس بات کا علم پوسٹ مارٹم سے ہی ہوگا کہ آیا مقتولہ کو 2 گولیاں ماری گئیں یا پھر ایک ہی گولی سینے پر ماری گئی جو جسم کے پار ہوگئی۔

پولیس علاقے میں نصب مختلف سی سی ٹی وی کیمروں کی فوٹیجز چیک کر رہی ہے جس سے قتل کا کوئی سراغ مل سکے۔

Comments

- Advertisement -