The news is by your side.

Advertisement

انٹرویو کے دوران خاتون کے ساتھ دلچسپ واقعہ؛ ویڈیو وائرل

اکثر لوگ جاب انٹرویو سے قبل کچھ اہم سوالات کے جوابات کی تیاری کرتے ہیں تاکہ انٹرویو میں انہیں کوئی دکت محسوس نہ ہو اور وہ اس میں باآسانی کامیاب ہوسکیں۔

ایسا ہی کچھ ایک امریکی خاتون چیلین مارٹینز نے کیا۔ انہوں نے اسکائی ویسٹ ایئر لائن میں ملازمت کے لیے انٹرویو دینا تھا۔ کمپنی کی جانب سے انہیں کچھ سوالات دیے گئے جن کا جواب آن لائن دینا تھا۔

چیلین مارٹینز نے مدد کے لیے ایک دوست سے رابطہ کیا اور لیپ ٹاپ کے سامنے بیٹھ کر سوالات کے جوابات کی مشق کرتی رہی۔

انہوں نے اپنے دوست کو بتایا کہ یہ سوالات ایسے ہیں جو میں نے اپنی زندگی میں کبھی نہیں دیے، پہلے سوال میں پوچھا گیا ہے کہ آپ اسکائی ویسٹ کلچر کے بارے میں کیا جانتے ہیں اور اس پر آپ کے کیا تاثرات ہیں؟

چیلین نے اپنے دوست سے کہا کہ یہ ایک احمقانہ سوال ہے۔ لیپ ٹاپ کے سامنے بیٹھی موبائل پر اپنے دوست سے گفتگو کرتی چیلین کو یہ علم نہیں تھا کہ ریکارڈنگ ہو رہی ہے اور انٹرویو کرنے والا آفیسر سامنے بیٹھا ہے۔

چیلین نے اپنے دوست کو مزید سوالات بتائے اور ان کا مذاق اڑاتی رہی۔ چیلین کی نظر جب لیپ ٹاپ اسکرین پر پڑی تو ان کے ہوش اڑ گئے۔ انہوں نے دیکھا کہ انٹرویو آفیسر انہیں دیکھ رہا ہے۔

اس طرح چیلین ملازمت حاصل کرنے سے قبل ہی اس سے ہاتھ دھو بیٹھی۔

Comments

یہ بھی پڑھیں