The news is by your side.

Advertisement

ایئر پورٹ پر خاتون کی جرابوں سے خطرناک چیز برآمد، اہلکار حیران

آکلینڈ : نیوزی لینڈ میں ایئر پورٹ حکام نے ایک ایسی خاتون کو پکڑا ہے جو جرابوں میں چھپے کیکٹس کے سینکڑوں پودوں کو اسمگل کرنے کی کوشش کر رہی تھی۔ خاتون نے اپنے جسم کے ساتھ کیکٹس کے پودے باندھ رکھے تھے۔

فرانسیسی خبر رساں ادارے اے ایف پی کے مطابق نیوزی لینڈ کے شہر آکلینڈ کی 38 سالہ خاتون ونکنگ وینڈیلی پر بائیو سکیورٹی کے سخت قوانین کی خلاف ورزی کا جرم اس وقت ہی ثابت ہو گیا جب وہ مارچ2019 میں چین سے خفیہ طریقے سے پودے اسمگل کرکے لارہی تھی۔

منسٹری آف پرائمری انڈسٹری نے بدھ کو ایک بیان میں کہا ہے کہ ان کو 12 ماہ کی سخت نگرانی میں رکھا گیا تھا اور ان سے آکلینڈ کی ایک عدالت میں 100 گھنٹے کمیونٹی میں خدمت کا کام لیا گیا تھا۔

بیان کے مطابق انہوں نے947 سکیولنٹ اور کیکٹس کے پودے اپنے جسم کے ساتھ باندھ رکھے تھے اور انہوں نے ان پودوں کو اسمگل کرنے کی کوشش کی تھی۔

بیان میں مزید کہا گیا ہے کہ کیکٹس میں آٹھ ایسی اقسام بھی شامل تھیں جو کہ معدودمی کے خطرے سے دوچار ہیں۔ برآمد ہونے والے ان پودوں کی مالیت سات ہزار 200 امریکی ڈالر تھی۔

حکام کے مطابق جب ایک سراغ رساں کتے نے دلچسپی لینا شروع کی تو خاتون نے ایئرپورٹ کے ٹوائلٹ میں پودے ضائع کرنے کی کوشش کی، جہاں قانون نافذ کرنے والے حکام کو ان پودوں کے بارے میں علم ہوا۔

وزارت کے تحقیق کار سائمن اینڈرسن نے کہا کہ یہ سزا ان لوگوں کے لیے ایک اچھی یاد دہانی ہے جو نیوزی لینڈ میں معدومیت سے دوچار پودے کو اسمگل کرتے ہیں، ان کے خلاف مزید قانونی چارہ جوئی ہوسکتی ہے۔

Comments

یہ بھی پڑھیں